Равил Гайнетдин җырчы Алсуга Коръән бүләк иткән

Мәскәү Җәмигъ мәчетендә Россия Федерациясе мөселманнары Диния нәзарәте рәисе һәм Россия Мөфтиләр шурасы башлыгы, мөфти шәех Равил Гайнетдин җырчы Алсу һәм аның иренең әтисе – эшкуар Рафаэль Абрамов белән очрашкан. Бу хакта Россия Мөфтиләр шурасы матбугат хезмәте хәбәр итә.

Равил Гайнетдин кунакларга изге Коръән һәм мөселман галимнәренең дөнья фәненә керткән өлешенә багышланган китап («1001 изобретение») бүләк иткән.

Очрашу барышында Россия мөселманнарының рухи лидеры Равил Гайнетдин Россиядә яшәүче мөселманнар тормышы, Мәскәү Җәмигъ мәчетенең яңа комплексын төзү тарихы һәм этаплары, Россия Мөфтиләр шурасы һәм РФ мөселманнары Диния нәзарәте программалары һәм проектлары хакында сөйләгән. Аерым алганда, ул яңа комплексның 2015 елның сентябрендә РФ Президенты Владимир Путин катнашында ачылуын искәрткән. Равил Гайнетдин исламның һәрвакытта да тынычлык дине булуы һәм шулай булып калачагын билгеләп үткән. Мөселман дини оешмаларының иң мөһим бурычларыннан берсе – тынычлык һәм татулыкны саклау хакына рухи-әхлакый кыйммәтләрне тарату, дигән ул.

Үз чиратында, кунаклар мөфти шәех Равил Гайнетдиннең илдә ислам диненең яңарышына зур өлеш кертүен искәрткән һәм Россиядәге төп мәчетнең тышкы һәм эчке бизәлешенә соклануын белдергән.

tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 февраль 2021 - 10:39
    ЧӘЧӘКТӘН КАЙТКАН ТӨН Язгы суларны чупыр-чупыр китереп, иптәш кызым белән аның авылына кайтып киләбез. Инде карлар эреп беткән диярлек. Анда-санда тишелеп чыккан үги ана яфраклары баеп барган кояшка сары чәчәкләрен сузган. Язның беренче шытымнарын өзәргә кул бармый. Җанда эчке бер рәхәтлек. Шушы сары чәчәкләр, сап-сары кояш, иптәш кызымның сап-сары кофтасы шул рәхәтлеккә туры килә торган саф төсләр сирпи.
    1504
    0
    6
  • 5 февраль 2021 - 13:01
    ЯЛЛАРДА КЕКС ПЕШЕРӘБЕЗ! Якыннарыңны берәр тәмле әйбер пешереп сыйла әле әйдә! Бездән рецепт!
    496
    0
    0
  • 10 февраль 2021 - 15:15
    6 ТӨРЛЕ СЭНДВИЧ РЕЦЕПТЫ Аны өйдә утырып ашарга да, тегендә яки монда үзең белән эләктереп барырга да җайлы. Бүген без сезгә сэндвич рецептлары тәкъдим итәбез.
    464
    0
    0

Блоглар