Рамазан – изге гамәлләр ае: күп балалы гаиләләргә бушлай балалар киеме бирәчәкләр

Татарстанда ТР мөселманнары Диния нәзарәтенең "Рамазан – изге гамәлләр ае" хәйрия акциясе дәвам итә.





Акция кысаларында республиканың күп балалы һәм аз керемле гаиләләренә түләүсез балалар киеме тапшырыла. Яңа кием комплектлары җәйге сезонга исәпләнгән һәм анда футболкалар, шортылар, майкалар, пижамалар, кофталар, ыштаннар һәм 10 яшькә кадәрге малайлар һәм кызлар өчен башка кирәк-әйберләр бар. "Takro" фабрикасы тарафыннан 2 миллион 200 мең сумлык товар бирелде һәм ТР Диния нәзарәтенең хатын-кызлар белән эшләү бүлеге, Россия һәм Татарстан мөслимәләр берлеге тарафыннан мохтаҗларга киләчәктә тарату өчен Татарстан Республикасының барлык мөхтәсибәтләренә тапшырылды. Киемнәрне бүлеп бирү урыннарда исемлек буенча алып барыла. Әлеге чара барышында киемнәр күп балалы һәм аз тәэмин ителгән гаиләләрдә тәрбияләнүче балаларга Ураза гаете һәм Балаларны яклау көне уңаеннан бүләк буларак тапшырылыр дип көтелә.

Исегезгә төшерәбез, "Рамазан – изге гамәлләр ае" акциясе кысаларында Татарстанда шулай ук авыру балаларга ярдәм итү өчен акча җыю дәвам итә. Аларның һәркайсы ДЦПның авыр формасыннан җәфа чигә.

Бу авыру балаларга ярдәм күрсәтүнең өч ысулы бар:

Беренчесе: САДАКА сүзе белән 7715 номерына SMS-хәбәр җибәрергә. Бер хәбәр бәясе 50 сум.

Икенчесе: САДАКА сүзен язарга, буш урын калдырырга һәм кирәкле сумманы күрсәтергә, мәсәлән, САДАКА 300. Бу очракта кәрәзле телефон счетыннан 300 сум акча күчереләчәк.

Өченчесе: акчаны, түләү исемен (баланың фамилиясен һәм исемен) күрсәтеп, «Зәкят» хәйрия фондының исәп-хисап счетына күчерергә мөмкин.

Әлеге гаиләләргә ярдәм кулы сузучыларга Аллаһының рәхмәте ирешсен!

Акча күчерү өчен реквизитлар:

БЛАГОТВОРИТЕЛЬНЫЙ ФОНД «ЗАКЯТ»

ИНН 1655068682, КПП 165501001, ОГРН 1091600003153.

р/с 40703810400020000071 в ОАО "Ак Барс" Банк в г. Казани,

к/с 30101810000000000805, БИК 049205805.

Юридический адрес:420111, г. Казань, ул. Лобачевского, д.6

Адрес: 420111г. Казань, ул. Лобачевского, д.6

http://dumrt.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    740
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    665
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    499
    0
    0

Блоглар