ОНЛАЙН ДӘРЕСТӘ УКЫ ДА ФИНАНСЛАРЫҢНЫ ПЛАНЛАШТЫРЫРГА ӨЙРӘН!

2019 елда Татарстанда бөтен мәктәпләр (ә аларның саны 1200дән артып китә) финанс грамотасы нигезләрен онлайн-белем алу проектына кушылды. Ул Татарстанның Мәгариф һәм фән министрлыгы ярдәме белән уздырыла. 2020 елда да мондый проект дәвам итәчәк. Шәп, бит, әйеме?! Димәк, финанс яктан белемле булганнар саны тагын да артачак дигән сүз бу!

Былтыр республика районнары һәм шәһәрләре укучылары, ятим балалар өчен булган интернатларда тәрбияләнүчеләр финанс белемнәрен арттыру дәресләрендә катнашты. Алар:

– үз керемнәрен һәм чыгымнарын планлаштырырга;

– инвестицияләргә;

– иминияләштерергә;

– банк карталары белән кулланырга;

– кредит, кертемнәр нечкәлекләрен өйрәнде;

үзеңне финанс өлкәсендәге мошенниклардан саклап калу чаралары турында белде.

Укучыларны финанс нигезләренә Россия Банкы хезмәткәрләре, Мәскәү биржасы, кредит, иминиятләштерү һәм инвестиция ширкәтләре вәкиллләре өйрәтте. ”Акчалар белән “син”, дип сөйләш, яки ни өчен финанс яктан грамоталы булырга кирәк?”, “Кибермошенниклардан ничек сакланырга?”, “Виртуаль мохиттә куркынычсызлыкның 7 кагыйдәсе”, “Үз бизнесыңны ничек башларга. Хыяллан. Планлаштыр. Эшли башла” дип аталган дәресләр укучылар арасында аеруча популяр булган.

Мондый дистанцион дәресләр, мәктәпнең авылдамы яки шәһәрдәме урнашуына карамастан, финанс яктан белем бирүне һәркем өчен кулай итә. Шул ук вакытта алар егетләр һәм кызларга, финанс карарлар кабул иткәндә, җаваплылык, грамоталылык белән эш итәргә ярдәм итә.

2020 елдагы язгы сессиянең онлайн-дәресләре 22 гыйнвардан башланып, 24 апрельгә кадәр дәвам итәчәк. Онлайн-дәресләрдә (http://dni-fg.ru/ ) интернет кертелгән һәр мәктәп катнаша ала.

Белешмә:

2019 елда финанс грамоталылыгы буенча 161,5 мең онлайн-дәрес уздырылган. Анда Россия төбәкләрендәге 18,8 меңнән артык мәктәп, 1,3 меңнән артык техникум, ятим балалар өчен 481 учреждение катнашкан. Онлайн-дәресләрне барлыгы 3 миллионнан артык тапкыр караганнар.

“Финанс грамоталылыгы буенча онлайн-дәресләр” проекты 2015 елда 8-11 сыйныф укучылары, урта һөнәри уку йорты студентлары өчен башлап җибәрелгән иде. Аның кайбер темалары 6нчы сыйныф укучыларына да кызыклы булырга мөмкин.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 3 февраль 2020 - 09:47
    КОШЛАР КЫШЫН ДА САЙРЫЙ Гөлбәһия ахшам намазыннан соң озак юанмыйча, урын-ястыкларын актара башлады. Бүген иртәдән бирле, кунак киләсе бар кебек, авырайтып торды. Көннең кисәк кенә үзгәрүенең халәткә тәэсиреме?! Шулай дип уйлап та бетермәде, ишек кыңгыравы чыңлады. Ул мендәрен кочаклаган килеш тынып калды.
    2799
    3
    30
  • 22 гыйнвар 2020 - 10:17
    ИКЕ УЛЫМ Фидаилның хәле чыннан да бик кызганыч иде. Кырык ике яшендәге сөлектәй ир эчәгенә ясаткан операциядән соң беткән, ябыккан иде. Өч ай буена урында ятып как сөяккә калган иде. Ракка каршы табиблар да көчсез шул. Алар бу явыз чирне дәвалый алмый, бары тик булдыра алганча, авыруның санлы гына елларын, айларын озайтырга тырыша.
    2312
    2
    30
  • 5 февраль 2020 - 16:42
    МИЛӘШ АЧЫСЫ Ашыкмый шул Сәвия әби: өйдә көтеп утырган кешесе, умырып эшләрдәй эше юк. Ялларда балалары килгәч, җыештырып, ашарына әзерләп китәләр. Балалары күпме генә үзләренә чакырсалар да, алар янына китеп яшисе килми аның.
    1757
    2
    32

Блоглар
  • 19 февраль 2020 - 10:46
    2020 ЕЛДА ЯЗ-ҖӘЙ ТРЕНДЛАРЫ!
    Сәлам! Мин – Галия, стилист. «Ялкын»да үз шәхси рубрикамны ачып җибәрәм һәм бирегә мода белән кызыксынган, һәрвакыт зәвыклы, матур булырга омтылучы үсмерләр һәм яшьләрне чакырам.
    Галия Сафина
    37
    0
    0
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019