НИНДИ ОЧРАКТА СЫЙНЫФЛАР КАРАНТИНГА КИТӘЧӘК?

Татарстан Республикасының Роспотребнадзор җитәкче урынбасары Любовь Авдонина, сыйныфларда коронавирус белән авыручы бала табылган очракта, мәктәптә нинди чаралар күреләчәге турында сөйләде.

– Һәр очрак индивидуаль рәвештә хәл ителәчәк. Әлеге баланың башкалар белән нинди контактта булуы, соңгы тапкыр мәктәпкә кайчан килүе – барысы да мөһим. Мондый хәлләрне чишү өчен бердәм алгоритм юк, әмма, берәр балада яки укытучыда коронавирус ачыкланса, ул кеше ике атнага изоляцияләнәчәк. Шулай ук, өстәмә дезинфекцияләү дә булачак, – дип белдерде ул.

Шулай ук, Любовь Авдонина сүзләренчә, Татарстанда ни укучылар, ни мәктәп хезмәтәрләре арасында коронавирус инфекциясе теркәлгән очраклар юк.

Башкортстанда исә, югары сыйныф укучыларында коронавирус инфекциясе ачыклануга бәйле рәвештә, 3 мәктәптән 300 укучы дистанцион уку режимына күчте.

2нче сентябрь көнне, ОРВИ симптомнары һәм тән температурасы югары булу сәбәпле, 111 баланы дәресләрдән азат иттеләр.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    884
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    630
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    533
    0
    0

Блоглар