МӘКТӘПЛӘР ГАДӘТИ РЕЖИМДА ЭШЛИ БАШЛАЯЧАК?

Татарстанда мәктәпләр бу уку елын 1нче сентябрьдән гадәти режим белән башлап җибәрергә әзерләнә. Бу турыда Татарстан Республикасының Роспотребнадзор идарәсе җитәкчесе урынбасары Любовь Авдонина хәбәр итә.

Татарстанда хәзер чагыштырмача стабиль вәзгыять: авыручылар саны арту атнага 0,6дан күп түгел. Шуңа күрә, хәзер мәктәпләрне яңа уку елына әзерлек процессы бара.

Тик азаккы нәтиҗәне РФ Мәгариф министрлыгы әйтәчәк.

Мәктәпләр гадәти режимда эшли башлаган очракта, барлык санитар кагыйдәләр исәпкә алыначак. Мәктәпләр антисептиклы дозаторлар, контактсыз термометрлар һәм башка кирәкле әйберләр белән тәэмин ителергә тиеш.