“МӘКТӘП КООПЕРАЦИЯСЕ” КАЙДА БАРЛЫККА КИЛӘЧӘК?

Татарстанның дүрт районында “Мәктәп кооперациясе” пилот проекты тормышка ашырыла. Аның дәвамында авыл мәктәпләрендәге ярдәмче хуҗалыклар базасында кооперативлар булдырылачак.

Кооперацияләрне үстерү ачык ресурс үзәгенең төп проектларының берсе “Яшьләр кооперациясе”, дип атала. Ул үз чиратында “Мәктәп кооперациясе” проектын ала. Хәзерге вакытта анда Татарстанның Әлки, Алексеевск, Балтач һәv Кукмара муниципаль районнары катнаша.

Алсу Нәбиева, Казан кооператив институты ректоры:

– Әлеге проект хуплау тапты. Шушы кооперативларны теркәү өчен документлар тапшырылган. Кооперативлар мәктәп янында хуҗалыклары булган һәм продукция җитештергән мәктәпләр базасында булдыралачак. Алга таба без, мисал өчен, шушы мәктәпләрнең берсендә теплица булдырылуын, икенчесе умартачылык белән шөгыльләнүен телибез. Биредә юнәлешләр бик күп төрле, һәм алар барысы да әйдәп бара торган булырга тиеш. Һәр районның юнәлеше төрле.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: