«ҖӘМӘГАТЬ ТРАНСПОРТЛАРЫНДА ЙӨРМӘГЕЗ!»

Кулланучы хокукларын яклау һәм кеше иминлеге өлкәсендә күзәтчелек федераль хезмәте җәмәгать транспортында сирәгрәк йөрергә һәм телефоннарны һәрдаим дезинфекциләргә чакыра. Ни өчен?

Моның сәбәбе нәрсәдә?

COVID-19 дип билгеләнә торган коронавирус таралу сәбәпле Роспотребнадзор Россия халкына җәмәгать транспортында сирәгрәк йөрергә һәм телефоннарны  (башка гаджетларны да) һәрдаим дезинфекцияләп торырга чакыра. Боларга өстәп, күп кеше җыелган урыннарны (сәүдә үзәкләре, супермаркетлар) читләтеп узарга, массакүләм чараларга бармый торырга өнди.

Барырга кирәк булса, нишләргә?

Кеше күп җыелган урынга бармый калып булмаса, экспертлар медицина маскасы кулланырга киңәш итә. Әмма бер шарт белән: аны 2-3 сәгать саен алыштырып торырга кирәк.

Инфекция эләктермәс өчен иң үтемле чара

“Инфекция эләктерүдән иң шәп профилактика чарасы булып кулны һәрдаим җылы суда сабынлап юу тора, – ди белгечләр. Шулай ук йөткерә, төчкерә торган кешеләр белән бер бүлмәдә тормаска, кочаклашу, кул бирешүләрне чикләргә дә киңәш итәләр.

COVID-19ның симптомнары

Роспотребнадзор әйтүенчә, коронавирусның симптомнары гадәти ОРВИныкы белән охшаш: югары температура, баш авыртуы, хәлсезлек, йөткерү, мускуллар авырту, күңел болгану, диарея һәм тын алуы авырлашу.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2467
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2306
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1954
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019