МӘГАРИФ МИНИСТРЫ БДИ ТАПШЫРДЫ!

«Татар тотып карамый – ышанмый», диләр. Имтиханнар белән дә шул ук хәл. Үзең БДИ тапшырып карасаң гына, 11нчеләрнең нинди хис кичергәнен аңлыйсың. Татарстанның мәгариф министры Рафис Борһанов та тарих фәненнән БДИ тапшырды.

Хәер, февраль аенда мондый акция уздыру инде гадәткә керде. Әгәр “Ата-аналар тарафыннан БДИ тапшыруның бердәм көне” акциясендә гадәттә рус теленнән имтихан тапшырсалар, быел ул тарихтан иде. Әлеге имтихан Казанның В.А. Григорьев исемендәге 81нче рус-татар мәктәбендә узды.

Рафис Борһанов, Татарстанның мәгаиф министры:

– Бу – Рособрнадзор һәм Россия Мәгариф министрлыгы уздыра торган Бөтенроссия акциясе. Ул, беренче чиратта, БДИның тискәре образы турындагы мифларны юкка чыгару өчен кирәк. Бу – гадәти имтихан. Мин анда дүртенче тапкыр барам инде. Барган саен балалар һәм әти-әниләр әйткән искәрмәләр төзәтелә икәнен күрәм. Минемчә, тарих фәне дөрес сайланылган. Чөнки безгә һәрвакыт кайда икәнлегебезне, безгә кадәр нәрсә булганын, хәзер ниләр эшләгәнебезне хәтердә тоту кирәк. Тарихтан башка беркая да барып булмый.

Тарих фәненнән сынау имтиханын барлыгы 30 кеше тапшырды. Алар арасында Дәүләт Советы депутаты, Г. Камал театры актеры Рамил Төхфәтуллин, КДЭУ ректоры Эдвард Абдуллаҗанов, Г. Камал театры актерлары Рамил Вәҗиев, Илнур Закиров та бар иде.

Акция дәвамында БДИда катнашучылар имтиханның бөтен процедуралары аша узды: теркәлде, телефон һәм шәхси әйберләрен саклау урынына тапшырды, имтихан алды контролен узды, бланкларны тутырды. Шулай ук катнашучылар дәүләт имтиханы ничек контрольдә тотыла, БДИ материаллары ничек чыгартыла, эшкәртелә икәнлеген күрде, БДИда була торган аналогик биремнәрне чиште. Имтиханның мондый кыскартылган вариантына гаәттәгечә 3-4 сәгать түгел, ә 1 сәгать бирелде.

Беренче тапкыр мондый акция 2017 елның февралендә узган иде. Ул вакытта Россиянең 50 төбәгеннән барлыгы 3000 әти-әни катнашты. Быел әлеге чара 2 мартка кадәр дәвам итәчәк. БДИ тапшырып карыйсы килгән әти-әниләр моның өчен мәктәпкә яки үз районындагы мәгариф бүлегенә хәбәр итәргә тиеш.

Фото: http://mon.tatarstan.ru/rus/foto.htm/photoreport/6233939.htm

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    815
    0
    4
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    769
    0
    2
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    646
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019