МАРИ ҺӘМ ТАТАР ПАНКЛАРЫ БЕР СӘХНӘДӘ: КАЙДА? КАЙЧАН?

19 май Казанның «Маяковский» иҗат мәйданчыгында «УСАЛ» татар рэперы һәм Йошкар-Ола шәһәреннән «У ЕН» этно-панк ансамбленең беренче концерты көтелә.

Кемнәр белми, “У ЕН” 2016 елда оеша. Бүгенге көндә алар этно, фолк, панк, рейв һәм реп жанрларында, һәм бары тик туган телләрендә – марича җырлар башкара.

“УСАЛ” иҗатында, хип-хоп белән генә чикләнмичә, гитаралы һәм электрон музыкага да тартыла. Ни кызык, җырларына этник уен кораллары, борынгы һәм совет чорындагы җырларның оригинал яңгырашларын да өсти. Аның тере чыгышлары көчле энергетикасы һәм үзгә атмосферасы белән аерылып тора. Соңгы берничә елда “Усал” төркеме AWAZ, Ural Music Night, Дикая Мята һәм Tat Cult Fest кебек фестиваль сәхнәләрендә чыгыш ясарга өлгерде.