“ЛУЧИСТЫЙ” ЛАГЕРЕ: БАЛАЛАР КИРЕ КАЙТА

Кырымның “Лучистый” лагеренда Татарстан балалары агулануы турында хәбәр иткән идек. Хәзерге вакытта аларның гомеренә куркыныч янамый. Лагерь ашханәсе хезмәткәрләрен тулысынча алыштырганнар. Балаларны тиздән хастаханәдән чыгарачаклар, алар лагерьга кире кайтачак.

Татарстан яшьләр эшләре министры Дамир Фәттахов та әлеге гадәттән тыш хәлдән соң Евпаториягә очкан иде. Ул үзе хастаханәнең баш табибы белән бергә балаларның хәлен белгән. Министр агуланган балаларның хәле тотрыклыланган, тормышы һәм сәламәтлекләренә куркыныч янамый, дип хәбәр итә.

https://www.instagram.com/p/B0EryWWCOSH/?utm_source=ig_web_copy_link

Бүген иртән балалар һәм әйдаманнарны хастаханәдән чыгаралар һәм алар лагерьга кире кайтачак. Бары тик бер кызны гына әти-әнисе хастаханәдән алып кайтып киткән. Калган балалар, әти-әниләренең рөхсәте буенча, лагерьда ял итүләрен дәвам итәчәк.

Агулануның сәбәпчесе дә ачыкланган: ул – норовирус. Аның белән лагерь ашханәсе хезмәткәрләре авырган була. Эш вакытында гигиена таләпләрен үтәмәү ашаханәдә тукланучылар арасында инфекция таралуга сәбәпче була ала, дип хәбәр итә белгечләр. Тикшеренү нәтиҗәсендә, “Лучистый” лагеренда эшләүче барлык хезмәткәрләрне дә алыштырганнар, балалар өчен яңа меню төзелгән, ул тиешле органнар белән килештерелгән. Лагерь Роспотребнадзор ачыклаган җитешсезлекләрне тиз арада төзәтергә тиеш була.

– Әлбәттә, теләсә кайсы әти-әни баласын лагерьдан алып кайта ала. Әмма моның өчен сәбәп юк. Барлык балалар да лагерьда тынычлап ял итүен дәвам итә ала. Без Татарстан балалары ял итә торган бу һәм башка лагерьларда хезмәт күрсәтү сыйфаты контролен тагын да көчәйтәчәкбез, – ди министр.

Алинә МИННЕВӘЛИЕВА әзерләде

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2492
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1974
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    617
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019