КҮЗЛЕК – МАТУРЛЫКМЫ, ЗАРУРЛЫКМЫ?

Дөньяда миллионлаган кеше күзлек кия. Моннан берничә еллар элек кенә гадәти сыйныфта күзлек киюче 1-2 генә укучы булса, хәзер исә киресенчә, күзлек кимәүчеләр 1-2 укучы. Моның сәбәпләрен, белгечләр тормышыбызга көннән-көн үтеп керүче төрле гаджетларны чама белән куллана белмәүдән күрәләр.

Бүген күзлек һәм линзалар ясау табышлы индустрияга әверелде. Аларның нинди генә модельлары һәм формалары юк. Хәзерге вакытта күзлекләр, сумка һәм сәгатьләр кебек кирәкле аксессуар булып хезмәт итә. Заманча, төрле төстәге, формадагы, кысалы күзлекләр образны тулыландыра.

Идеаль модельны ничек сайларга соң? Беренчедән, йөз төзелешенә игътибар итәргә кирәк. Квадрат формадагы кысалы күзлек барлык йөзләргә дә килешә һәм ул рәсми кыяфәт өсти. Туры почмаклы формадагы күзлек, төгәллекне һәм җаваплылыкны аңлата, аны күбрәк офис хезмәткәрләренә киңәш итәләр. Ә бүгенге көндә яшьләр арасында, түгәрәк формадагы кысалы күзлекләр бик популяр.

Ләкин, дизайнерлар нинди генә формадагы күзлекләр тәкъдим итсәләр дә, минемчә, күзлек кию бер дә мәртәбә түгел, дөньяның матурлыгын ниндидер пыяла кысалар аша түгел, үз күзләрең белән күрү яхшырак! Шуңа күрә күзләрегезнең күрү сәләтен саклагыз!

Нәҗипова Илзия, 16 яшь, Казан шәһәре, Киров районы 15 нче татар гимназиясе.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    842
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    799
    0
    0
  • 2 июнь 2021 - 12:45
    «БЕТЧӘГӘ БАТТЫМ...» «Соңгы елда кисәк кенә бетчәгә баттым. Башта артык игътибар итмәгән идем, әмма хәзер бик борчыла башладым. Кешеләр белән аралашырга да читенсенәм. Гел бетчәләремә карап торалардыр кебек. Борчылуымны әнигә әйткән идем: «Бетә ул», -диде. Бетми бит... Түзеп, бетчәле килеш йөрергәмени инде хәзер?»
    552
    0
    0

Блоглар