КФУда бушлай татар теле курслары эшен башлады

КФУда бушлай татар теле курслары старт алды, алар 17 сентябрьдән алып 14 декабрьгә кадәр дәвам итәчәк. 

Курсларның кураторы Татаристика һәм тюркология югары мәктәбе доценты Кадрия Фәтхуллова әйтүенчә, әлеге курсларга йөрергә башта 800 кеше теләк белдергән, нәтиҗәдә, аларның 400е килгән. Алар 40 кешелек 10 төркемгә бүленеп татар телен өйрәнәчәк. Әлеге төркемнәр укучыларның тел белү дәрәҗәсеннән дә чыгып бүленә. Мәсәлән, төркемнәрнең 6сы үзләренең татар телен белү дәҗәләрен А1 дип билгели, ягъни алар аны нульдән өйрәнә башлаячак. 3 төркем А2 җыелган: алар - телнең нигезен белүчеләр. В1 төркемендәгеләр - сөйләмә телне яхшы белә, әмма әдәби татар телен, грамматиканы яхшырак үзләштерергә теләүчеләр.

“Укучылар арасында студентлар күп, араларында төрле табиб, инженер, дизайнер, артист, редакторлар кебек төрле һөнәр вәкилләре дә бар”, - ди Кадрия Фәтхуллова, - милләтләренә килсәк, татарларны да, русларны да, төрекләрне очратырга мөмкин, татар телен өйрәнергә Венгрия, Финляндиядән килүчеләр дә язылды.

Әлеге курслар күбесенчә коммуникатив юнәлештә алып барылачак, ягъни алар барышында укучыларда татарча аралашу, сөйләшү күнекмәләрен булдыру яки арттыру күз алдында тотыла.

Курсларны бетергәннән соң барлык кешегә дә сертификатлар тапшырылачак.

Бушлай курслар КФУда 2012 елдан бирле уздырыла, дәресләр К.Фәтхуллова, А.Йосыпова и Э.Динмөхәммәтованың «Татарча сөйләшик / Давайте говорить по-татарски / Let’s speak tatar» дәреслеге буенча алып барыла.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    819
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    772
    0
    0
  • 2 июнь 2021 - 12:45
    «БЕТЧӘГӘ БАТТЫМ...» «Соңгы елда кисәк кенә бетчәгә баттым. Башта артык игътибар итмәгән идем, әмма хәзер бик борчыла башладым. Кешеләр белән аралашырга да читенсенәм. Гел бетчәләремә карап торалардыр кебек. Борчылуымны әнигә әйткән идем: «Бетә ул», -диде. Бетми бит... Түзеп, бетчәле килеш йөрергәмени инде хәзер?»
    544
    0
    0

Блоглар