КФУда 103 СТУДЕНТ ЭШКӘ УРНАШТЫРЫЛГАН

Казан федераль университеты Казаннан булмаган студентларны эшкә урнаштыра башлады. Әлеге кампания игълан ителгәннән соң 490 резюме кабул ителгән. Студентлар кайда, кем булып эшли башлаган?

Бүгенге көндә тулай торакларда яшәүче студентларга КФУ әнә шундый ярдәм күрсәтергә уйлаган. Әлеге тәкъдимгә барлыгы 250 кеше теләк белдергән. Аларның 103е инде эшкә урнаштырылган. Алар 1 июнь-31 август аралыгында эшләячәк.  Бу турыда КФУның яшьләр сәясәте, социаль мәсьәләләр һәм физкультура-спорт тәрбиясе үсеше департаменты директоры Юлия Виноградова хәбәр итә.

Департамент студентларны урнаштырып булырдай эшләрнең исемлеген булдырган:

– Бүгенге көндә безгә 250 студенттан 492 резюме килде. Ягъни бер студент берьюлы берничә эштә эшли ала, - ди Юлия Виноградова.

Кайсы вакансияләр популяр?

Студентлар арасында call-үзәк белгече, тулай торакта дежур кебек вакансияләр популяр икән.

– Тулай торакларда яшәми торган студентлар да эшкә урнашу мөмкинлегенә ия, әмма Казаннан булмаган, тулай торакларда яши торган студентлар приоритетта, - ди Виноградова.

Вакансияләр төрле юнәлешкә карый. Араларында фән һәм белем бирү, хуҗалык эшләренә караганнары да бар. Шулай ук студентлар репетитор, тәрҗемәче, сайтлар ясучы булып та эшли ала. Шулай ук алар лаборант, мөхәррир, тавыш режиссеры, фотограф/видеооператор, журналист/корреспондент/копирайтерлар да була ала.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    911
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    652
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    558
    0
    0

Блоглар