Кесәдәге татарча гид: Кайда? Кайчан? Ничек?

Казандагы  «Россия – минем тарих» («Россия – моя история») тарихи паркында аудиоэкскурсияләр татар телендә дә яңгырый башлаячак. Аудио-юл күрсәткеч бүген – халыкара туган телләр көнендә старт ала. Яңалыкны беренчеләрдән булып Бөтендөнья татар конгрессы вәкилләре, «Татар малай» (Ринат Галиәхмәтов), «Кызык Мызык» (Илназ Габидуллин) кебек популяр блогерлар, теле һәм радио алып баручысы Батыр Харисов сынап караячак.

Кесәдәге шәхси гид гади, аңлаешлы телдә паркта кая барырга, нәрсә карарга икәнлеге турында әйтеп тора.

Фонограмма професcиональ экскурсоводлар һәм туган якны өйрәнүчеләр тарафыннан яздырылган. Тәрҗемә эшен Г.Ибраһимов исемендәге тел, әдәбият һәм сәнгать институты башкарган.

Парк экспозициясендә татар милләте, Татарстан тарихына зур өлеш бүлеп бирелгән. Һәр залда кызыклы фактлар тәкъдим ителә, тарихи вакыйгалар тасвирлана.

Сүз уңаеннан, “Россия – минем тарих” паркы 2017 елның октябрендә “Казан ярминкәсе” территориясендә ачыла. Мәйданы буенча 5 500 квадрат метрны тәшкил итә.“Россия – минем тарих” тарихи парклары Россиянең 10 шәһәрендә бар.



Зилә САБИТОВА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    754
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    698
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    514
    0
    0

Блоглар