Казанга Россиянең иң яхшы студент-медиклары җыела

Илебезнең төрле почмакларыннан булачак табиблар үзләрен спортта сынаячак. Алар студент-медикларның спортка битараф булмаганнарын күрсәтәчәк.


22-27 апрель көннәрендә Казанда Россиянең медицина һәм фармацевтика вузлары фестиваленең финал ярышлары узачак. «Физик культура һәм спорт – табибның икенче прфессиясе» дип аталган бу чарага 700 катнашучы җыелачак.


Быелгы чарада Кытай халык республикасы вузлары студентлары да катнашачак. Ярышлар Идел буе дәүләт физик культура, спорт һәм туризм академиясе, Казан дәүләт медицина университеты, Казан дәүләт архитектура-төзелеш университеты, IT-лицейның спорт объектларында узачак.


Биш ел дәвамында фестивальдә 20 меңнән артык кеше катнашкан. Студентлар баскетбол, өстәл теннисы, йөзү, шахматлар, гер күтәрү спорты, ГТО, бадминтон ярышларында көч сынашачак.


Январь аеннан фестивальнең сайлап алу турлары башланган. Казандагы ярышларга Хабаровск, Благовещенск, Волгоград, Краснодар, Ростов-на-Дону, Барнаул, Красноярск шәһәрләре, Харбин университеты студентлары (Кытай халык республикасы) киләчәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: