Казанда Сабантуй: кайда? кайчан?

Быел Казанда Сабантуйлар 23 июнь көненә билгеләнгән. Алар 4 мәйданда узачак: Тынычлык һәм Дәрвишләр бистәләре каенлыгы, Аккош күле янындагы урман паркы һәм Казан ипподромы. Чаралар иртәнге 9.30да башланып китәчәк (Ипподромдагысы - 13.30да).

Иң төп Сабантуй, традиция буенча, Тынычлык бистәсендә уза. Анда Айдар Сөләйманов, Данир Сабиров кебек артистлар чыгыш ясаячак. Бәйрәмгә "Җиңү Проспекты” метросы", “10нчы микрорайон”, “Филармония концертлар залы” тукталышларыннан махсус автобуслар белән барып җитәргә мөмкин булачак. Билет бәясе – 27 сум. Шулай ук әлеге Сабантуйга “Казан-1” станциясеннән электоропоезд да йөриячәк. Бәясе – 22 сум.

Дәрвишләр бистәсендә дә башкаланың төрле җыр, бию коллективларын күрергә мөмкин булачак. Шулай ук Сабантуйга килүчеләр Салават Фәтхетдинов, Салават Миңнеханов һәм Гүзәлем чыгышларын күрә алачак. Бирегә “Халитов” тукталышыннан махсус бушлай автобуслар йөриячәк.  Мондагы  Сабантуйга 1, 19, 25, 34, 60, 84, 91 нче маршрут автобуслар белән дә барып җитәргә мөмкин.

Акккош күле янындагы уза торган Сабантуйның быелгы төп үзенчәлеге – ул “WorldSkills Kazan 2019” чемпионатына багышланган мәйданчык. Әлеге Сабантуйга 36, 46 һәм 72 номерлы маршрутлар белән барып җитәргә мөмкин. Алар «Ремплер» тукталышына кадәр бара, аннан Сабантуйның үзенә кадәр 5 минут саен бушлай йөри торган махсус автобуска күчеп утырырга кирәк булачак.

Казан ипподромында ат чабышы уза, ул 13.30 башланып китә. Кызыклы концерт программасы да каралган. Бирегә дә "Җиңү Проспекты” метросы" тукталышыннан махсус автобус йөриячәк.

Сабантуйлар күңелле узсын, дуслар! Бәйрәм белән!


Зилә САБИТОВА әзерләде

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2020 - 14:23
    ВАСЫЯТЬ Бер авыл балалары, араларында бер яшь кенә аерма булган Мәдинә белән Дания, бәләкәйдән җитәкләшеп, бергә уйнап үстеләр. Барлы-юклы уенчыклары белән бүлештеләр. Өч тәрәзәле, бәләкәй генә, җиде җанны сыйдырган кысан өйдә үскән Дания күп вакытын Мәдинәләрнең иркен, якты өендә үткәрә иде. Мәдинәнең әнисе дә, бу ике кызның саф дуслыгына сөенеп, Данияне үз кызыдай якын күрде.      
    2516
    0
    31
  • 12 май 2020 - 15:16
    ҖАНЫҢНЫ БИРСӘҢ ДӘ... Илназы Ходайдан сорап кына алган баласы булды Тәслимәнең.  Ире Хариска чыккач та сигез ел буена балага уза алмады ул. И ул чакта күргәннәре!.. Кайларда гына бармады, кемнәргә генә күренмәде. Багучылар, фал ачучылар, дәвалаучылар калмады. Врачлар турыдан-туры өметеңне өз дигәннәр иде инде.
    2220
    0
    17
  • 15 май 2020 - 14:45
    ЮЛ Яңгыр ява. Ишеп тә, биткә бәреп тә түгел — сибәләп... Салкын пар кебек, тавышсыз-тынсыз гына, әмма үзәкләргә үтәрлек итеп... Бигрәк тә олы юл чатында басып торганда, болай да еларга тулышкан җаныңа дым булып сеңә бу яңгыр...
    1770
    0
    15

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019