КАЗАНДА КАФЕЛАР АЧЫЛА

Моңа кадәр башкаладагы кафе, ресторан, ашханә, каһвәханәләрдәге тәмле ризыкны өйгә китертеп кенә ашап була иде. Шулай ук үзең анда барып һәм ризыкны алып чыгып китеп ашарга мөмкин булды. Кафе-ресторансыз тора алмаучылар, биегез! Хәзер алар яңадан үз “ишекләрен” ачачак. Әйе, “ишек” сүзе куштырнак эчендә, чөнки кафеларның эчләренә кереп тә торасы булмый. Килүчеләр кафе, рестораннарның җәйге террасаларында сыйлана алачак. Күпме кафе-ресторан ачыла? Кайчаннан?

Казанда 11 июньнән 200 кафе-ресторан ачыла. Экспертлар менюдагы бәяләрнең төшүен һәм яңа туклану урыннарының ачылуын фаразлый. Озын сүзнең кыскасы - әлеге юнәлеш үзенең эшчәнлеген яңадан яхшылап тергезеп җибәрергә әзерләнә.

Татарстаның һәм Казанның рестораторлар һәм отельерлар ассоциациясенең башкарма директоры Галина Шәрәфетдинова әйтүенчә, кафеларның бу рәвешле эшли башлавы куркыныч тудырмаячак. Эшчәнлек барышында куркынычсызлык таләпләре үтәләчәк. “Җәмәгать транспорты, кибет, сауна, бассейннар белән чагыштырганда, җәйге террассада утыру күпкә куркынычсызрак”, - ди ул.

Казандагы 2,5 мең туклану урынының 200е ачылыр дип көтелә. Директор 11 июнь көнгә террасаларның 80-90%ы ачылачагын әйтә. Калганнары әлегә ачылырга әзерләнүне дәвам итәчәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    840
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    797
    0
    0
  • 2 июнь 2021 - 12:45
    «БЕТЧӘГӘ БАТТЫМ...» «Соңгы елда кисәк кенә бетчәгә баттым. Башта артык игътибар итмәгән идем, әмма хәзер бик борчыла башладым. Кешеләр белән аралашырга да читенсенәм. Гел бетчәләремә карап торалардыр кебек. Борчылуымны әнигә әйткән идем: «Бетә ул», -диде. Бетми бит... Түзеп, бетчәле килеш йөрергәмени инде хәзер?»
    551
    0
    0

Блоглар