КАЗАНДА 6 ЯҢА ПАРК АЧЫЛАЧАК. КАЙДА?

Паркларда “гуләйт” итәргә яратучылар өчен шәп яңалык: Казанда 6 (!) яңа парк ачылачак. Тулырак безнең язмада.

Татарстан башкаласында 6 яңа парк пәйда булачак. Бу турыда Казанның архитектура һәм төзелеш идарәсе башлыгы  Ирина Дябилкина хәбәр итә.

Аның сүзләренчә, яңа парклар булдыру идеясе «Безнең ишегалды» («Наш двор») программасы һәм «Уңайлы шәһәр мохитен булдыру» исемле федераль проект кысаларында тормышка ашырыла.

Парклар Казанның кайсы өлешләрендә ачыла?

Яңа паркларның икесе Казанның Совет районындагы Магистраль урамында һәм Җиңү Проспектында ачылыр, дип көтелә.

Казанның парклар һәм скверлар дирекциясе соравы буенча, парк мәйданнарын Копылов, Әпсәләмов, Декабристлар, Солдат урамнарындагы җирләр хисабына зурайтачаклар.

Казансу яр буенда да  3,8 һәм 3,6 га мәйданлы ике ял итү урыны булдырылачак. Тагын бер парк Подлужная урамында ачылачак.

ТР башкаласының архитектура һәм төзелеш идарәсе комиссиясе тәкъдим ителгән проектларны хуплаган. Димәк, бик тиздән Казаныбызда ял итү өчен урыннар тагын да күбрәк булачак!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: