Казан кинофестивалендә беренче тапкыр Милли кино секциясе эшләячәк

5-11 сентябрьдә Казанда XIII Халыкара мөселман киносы фестивале узачак. 2005 елдан бирле уздырыдучы кинофорумның быелгы яңалыгы - "Милли кино секциясе" дигән аерым бәйге номинациясе.

Монда татарстанлылар төшергән яки Татарстан турында булган төрле формат, хронометраж һәм жанрдагы 10 фильм кергән. Алар: "Тапшырылмаган хатлар" (Р.Рашитов), "Айсылу. Фильм" (С.Сөнгатуллин һәм Р.Рашитов), «Стрела наследия» С.Киатрова, "Наҗибә" (А.Нургалиев), "Блудный сын" (О.Синчуговв), "Җәннәт" (А.Еспаева), "Хәлимә" (Ю.Захарова), "Диагноз" (В.Гиренко) , "Время последних романтиков" (С.Суханова), "Хабиб Аллах Мухаммед. Пророчество и родословная" (Мисыр-Татарстан, копродукция). Номинациядә җиңүчеләр лауреат исеме һәм акчалата премия алачак.

"Иң популяр дөньякүләм фестивальләрдә милли секция бар, - дип сөйли XIII КХМКФ арт-директоры Альбина Нәфыйгова. — Секциянең максаты - үзебезнең кинога зур экранга юл ачу, милли кинематограф үсеше өчен мәйдан булдыру. Премия яхшы продукт җитештергән режиссер, продюсер яки компаниягә биреләчәк. Аны чираттагы проектка инвестицияләп була - яңа фильм төшерергә, аерым төшерү этабында яки пост-продакшнда кулланырга. Мондый чыгымнар бу тармакка стимул бирә, регионда яхшы көндәшлек булдыра, белгечләре мотивацияли".

Милли кино секция бәйге программасы кысаларында тамашачыларга күрсәтеләчәк. Эшләрне махсус жюри бәяли. Аның составына продюсер һәм актриса Диана Сәфәрова (Россия), кино тәнкыйтьчесе, продюсер, Белград кинофестиваленең элекке программа директоры Миролюб Вучкович (Сербия) һәм фильмнарны фестивальләргә иңдерү буенча "Festagent" Россия агентлыгы җитәкчесе Иван Золотухин (Россия). Шулай ук объектив бәяне тамашачыларның тавыш бирүе билгеләячәк. Узган еллардагы тәҗрибә күрсәтүенчә, публика милли премьераларны калдырмый, карап бара. Ике яклы бәя бирү бәйгене мөмкин кадәр гадел итә.

"Татарстан киносы өчен бүген бик мөһим чор бара, - ди фестиваль директоры Миләүшә Айтуганова. - Ул сыйфат ягыннан да, күләм ягыннан да яхшы якка үзгәрә. Казан халыкара мөселман киносы фестивале ел саен Татарстан фильмнарын тәкъдир итә, бу үз нәтиҗәсен дә бирә. Хәзер без халыкара аренада лаеклы көндәшлек күрсәтү өчен фестиваль лабораториясен булдырабыз. Акчалата бүләк югарырак дәрәҗәдә милли кино төшерергә стимул булачак. Читтән килгән катнашучылар Татарстан проектында катнашкан очракта гына номинациягә эләгә. Бу алым республикадагы кинопродакшнга сәләтле профессионалларны җәлеп итәчәк".

"Милли секция"дән тыш, Татарстан режиссерларының фильмнары башка номинацияләргә дә эләккән. Әйтик, "Кыска метрлы нәфис фильм" (И.Рахимбайның "Представь" фильмы), Кыска метрлы документаль фильм", (Р.Хәбибуллинның "Велохадж" фильмы) һәм "Яшь Россия" (Б.Батуллинның "Сокращение" фильмы). Бәйге программасы фильмынары исемлеге белән фестивальнең рәсми сайтында танышырга була: http://kazan-mfmk.com.

***

Казан халыкара мөселман киносы фестивале (КХМКФ) – Татарстан башкаласында уздырылучы иң зур кинога бәйле чараларның берсе. Ул 2005 елдан бирле үткәрелә. Фестиваль эчтәлеге аның сөрәнендә чагыла: “Мәдәниятләр диалогы аша – аралашу мәдәниятенә”. Форум программасына үзендә тынычлыкны саклау, диннәргә тигез караш, толерантлык идеяләрен йөртүче, милләтара диалог төзү ысуллары турында сөйләүче фильмнар сайлап алына.

Бәйге программасына махсус комиссия сайлап алган Россия һәм чит ил фильмнары кергән: 10 тулы метрлы нәфис, 10 кыска метрлы нәфис, 10 тулы метрлы документаль, 10 кыска метрлы документаль фильм, шулай ук "Яшь Россия" һәм "Милли кино секциясендә" дә унышар фильм.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2515
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1989
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    652
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019