Көзге каникулда мәктәп укучылары бушлай театрга йөри алачак

“Культурная осень” проектын башлап җибәрү өчен быел Татарстанда 2 млн. сум акча бүленгән. Көзге каникуллар вакытында мәктәп укучылары акция кысаларында республикабызның иң яхшы театрларына бушлай бара алачак. Бу турыда “Татар-информ” мәгълүмат агентлыгында узган пресс-конференциядә ТР фән һәм мәгариф министрының урынбасары Лариса Сулима хәбәр итте.

“Театрларны бушлай карый алачак укучылар санына күп балалы, аз керемле гаиләдән булган балалар, республика күләмендәге олимпиадаларда һәм бәйгеләрдә җиңүчеләр керәчәк. Балалар Казанның 4 театрында булачак: Муса Җәлил исемендәге татар академия дәүләт опера һәм балет театры, Казан дәүләт яшь тамашачылар театры, Кәрим Тинчурин исемендәге татар дәүләт драма һәм комедия театры, Габдулла Тукай исемендәге татар дәүләт филармониясе”, − диде спикер.

“Татар-информ” мәгълүмат агентлыгы белдерүенчә, спектакльләр карар өчен Казанга республиканың барлык районнарыннан да мәктәп укучылары киләчәк. Казан дәүләт яшь тамашачылар театрында “Генерал белән туй”, “Нәни принц” спектакльләре күрсәтеләчәк. Тинчурин театры 3 спектакль тәкъдим итәчәк: “Али баба һәм өч карак”, “Сүнгән йолдызлар” һәм “Шүрәле онлайн”. Муса Җәлил исемендәге татар академия дәүләт опера һәм балет театры балаларны “Жизель” балеты белән сөендерәчәк. Филармония артистлары исә, үзләре районнарга гастрольләр белән чыгачак.

Айсылу Хафизова

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 февраль 2021 - 10:39
    ЧӘЧӘКТӘН КАЙТКАН ТӨН Язгы суларны чупыр-чупыр китереп, иптәш кызым белән аның авылына кайтып киләбез. Инде карлар эреп беткән диярлек. Анда-санда тишелеп чыккан үги ана яфраклары баеп барган кояшка сары чәчәкләрен сузган. Язның беренче шытымнарын өзәргә кул бармый. Җанда эчке бер рәхәтлек. Шушы сары чәчәкләр, сап-сары кояш, иптәш кызымның сап-сары кофтасы шул рәхәтлеккә туры килә торган саф төсләр сирпи.
    1363
    0
    6
  • 5 февраль 2021 - 13:01
    ЯЛЛАРДА КЕКС ПЕШЕРӘБЕЗ! Якыннарыңны берәр тәмле әйбер пешереп сыйла әле әйдә! Бездән рецепт!
    459
    0
    0
  • 10 февраль 2021 - 15:15
    6 ТӨРЛЕ СЭНДВИЧ РЕЦЕПТЫ Аны өйдә утырып ашарга да, тегендә яки монда үзең белән эләктереп барырга да җайлы. Бүген без сезгә сэндвич рецептлары тәкъдим итәбез.
    432
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019