Көрәшчеләрне Актанышта көтәләр!

21 июльдә Актаныш районы Иске Әлем авылында Сабан туен хәтерләткән зур бәйрәм – Авыл көне уза. Биредә һәр теләгән көрәшчегә бил алышу, уеннарда катнашу рөхсәт ителәчәк! 

Чараны оештыручылар үз авыл бәйрәмнәрендә республиканың танылган көрәшчеләрен күрергә теләве гаҗәп түгел. Чөнки Иске Әлем – бертуган Әнвәровларның туган авылы. Ә Авыл көнен оештыручылар арасында заманында үзе дә мәйдан тоткан Айнур Әнвәров та бар.

Иске Әлемдә Авыл көнен зарыгып көтәләр. Чөнки биредә инде 20 еллап Сабан туе узганы юк икән. Шуңа да быелгы чарага зурдан кубып әзерләнәләр. Бәйрәм программасында татарча көрәш, ат чабышы һәм башка кызыклы уеннар көтелә. Концертның махсус кунагы – “Дөбер-шатыр” Әсхәт.
Көрәш яшьләр һәм зурлар арасында оештырылачак. Үсмерләр арасында берничә авырлыкта көч сынашырга мөмкин булса, зурлар арасында үлчәнеп тору булмый – батырлар бер авырлыкта гына бил алышыр дип көтелә. Нәкъ менә авыл Сабан туе традицияләре буенча. Җиңүчеләргә акчалата бүләкләр каралган, ә баш батырга, әлбәттә – тәкә! Шунысы куанычлы: оештыручылар авыл батырларына да, кунакка кайтып бил алышучыларга да берәр тәкә бирергә уйлый.

Бәйрәм 14.00 сәгатьтә башлана.


Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 6 февраль 2021 - 10:39
    ЧӘЧӘКТӘН КАЙТКАН ТӨН Язгы суларны чупыр-чупыр китереп, иптәш кызым белән аның авылына кайтып киләбез. Инде карлар эреп беткән диярлек. Анда-санда тишелеп чыккан үги ана яфраклары баеп барган кояшка сары чәчәкләрен сузган. Язның беренче шытымнарын өзәргә кул бармый. Җанда эчке бер рәхәтлек. Шушы сары чәчәкләр, сап-сары кояш, иптәш кызымның сап-сары кофтасы шул рәхәтлеккә туры килә торган саф төсләр сирпи.
    1543
    0
    6
  • 5 февраль 2021 - 13:01
    ЯЛЛАРДА КЕКС ПЕШЕРӘБЕЗ! Якыннарыңны берәр тәмле әйбер пешереп сыйла әле әйдә! Бездән рецепт!
    523
    0
    0
  • 10 февраль 2021 - 15:15
    6 ТӨРЛЕ СЭНДВИЧ РЕЦЕПТЫ Аны өйдә утырып ашарга да, тегендә яки монда үзең белән эләктереп барырга да җайлы. Бүген без сезгә сэндвич рецептлары тәкъдим итәбез.
    481
    0
    0

Блоглар