ИЗОЛЯЦИЯ ЧОРЫНДА КАМАЛ ТЕАТРЫ СПЕКТАКЛЬЛӘРЕНӘ 2200 КЕШЕ БИЛЕТ АЛГАН

Камал театры үзе эшләмәсә дә, билетлар сатыла. Чөнки театр спектакльләрне онлайн күрсәтә башлады.

2 апрельдән бирле Камал театры үз спектакльләренең видеоязмаларын күрсәтә. Һәм аларга билетларны барлыгы 2200 кеше сатып алган. Шунысы кызыклы: билетларның билгеле бер бәясе юк, күпме телисең, шуның кадәр сумманы күчерергә мөмкин.

– 10 көн дәвамында барлыгы 2 200дән артык билет сатылды. Барлыгы 150 000 сум тупланды. Иң күп күчерелгән сумма 3000 сум булды. Бүгенге көндә иң популяр спектакль булып “Мәхәббәт FM” тора. Аның трансляциясен барлыгы 700 кеше карады, - дип хәбәр итә театрның матбугат хезмәте, - спектакль трансляцияләре халыкта зур кызыксыну тудырды, бик күп уңай кайтавазлар килде.

Шунысы игътибарга лаек: спектакльләргә билетларны  Татарстаннан гына түгел, башка илләрдән дә алучылар бар икән. Мисал өчен, Финляндия, Бельгия, Германия, Төркия һәм Нидерландтан. Россия буенча Мәскәү,  Санкт-Петербург, Самара,  Түбән Новгород өлкәләре,  Чувашия республикасыннан билет сатып алучылар бар.

– Әлеге проектны тормышка ашырырга ярдәм иткән һәркемгә рәхмәт! Мондый тамашачыларыбызны карантин узганнан соң бүләкләячәкбез дә әле, - ди Г. Камал театры директоры Илфир Якупов.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    842
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    799
    0
    0
  • 2 июнь 2021 - 12:45
    «БЕТЧӘГӘ БАТТЫМ...» «Соңгы елда кисәк кенә бетчәгә баттым. Башта артык игътибар итмәгән идем, әмма хәзер бик борчыла башладым. Кешеләр белән аралашырга да читенсенәм. Гел бетчәләремә карап торалардыр кебек. Борчылуымны әнигә әйткән идем: «Бетә ул», -диде. Бетми бит... Түзеп, бетчәле килеш йөрергәмени инде хәзер?»
    552
    0
    0

Блоглар