Инстаграмнан тагын нәрсә көтәргә?

Бүгенге көндә социаль челтәрләр бөтен дөнья буенча миллиардлаган актив кулланучыларны колачлый! Иң киң таралганнары арасында, әлбәттә, Инстаграм да бар. Әлеге фото-видео контент җыелмасыннан торган социаль челтәр гел үзгәреп, камилләшеп тора. Бүген дә язмабыз нәкъ менә Инстаграмдагы яңарышлар турында булыр.

2019нчың елның маенда Инстаграмда кибербуллингка (киберүртәү/котырту) каршы чаралар күрә башлаганнарын күбебез беләдер. Әйтик, әлеге социаль челтәрдә кайбер кулланучыларның постларын, аларга язылган килеш калып, күрми-дәшми китәргә мөмкин. Димәк, бу функция Инстаграм кулланучыларын ошамаган эчтәлектәге фото һәм видеоязмалардан саклап тора дигән сүз.

Июль аенда исә Инстаграмда тагын бер “саклагыч” функцияне эшкә җигәргә уйлыйлар. Бу яңарыш социаль челтәрдәге басмалар астында калдырылган фикерләр белән бәйле булачак. “Тискәре комментарийлар күп кенә кешеләр, бигрәк тә яшүсмерләр өчен зур проблема булып тора”, - ди үз блогында Инстаграм компаниясе башлыгы Адам Моссери. Интернет оешманың алдагы тәҗрибәсен карап чыгарага, мондый мыскыл итүләрне бетерергә кирәклеге турында да әйтә җитәкче.

“Restrict” (чикләү)  функциясе исә күңелгә ятышсыз комментарияләрне бары тик үзе язган кеше генә күрә торган итәчәк, ә икенче кулланучы, мәсәлән, бу килбәтсез фикер турында бөтенләй белмиячәк тә. Бары тик артык тискәре булмаган комментарийлар гына урын алачак постлар астында. Кайсысын калдырырга, ә кайсысын бетерергә кирәклеген ясалма интеллект хәл итәчәк.

Популяр социаль челтәр кулланучыларын постның эчтәлегенә карап тыеп торган булса, хәзер исә комментарийлар язуны да үз күзәтчелеге астына алырга ашыга. “Бу опция фикерен калдырырга теләгән кешеләргә, үз гамәлләре өстендә күп тапкыр уйланырга мөмкинлек бирәчәк”, - ди Инстаграм компаниясе хезмәткәрләре.

Әле алай гына да түгел, Адам Моссер сүзләренчә, Инстаграмда лайклар санын да күренми торган итеп куймакчылар. Бу үзгәреш социаль челтәрдәге популярлык басымын көйләргә ярдәм итәчәк, дип ышана җитәкче.




Иртәгә Инстаграм һәм, гомумән, башка социаль челтәрләр нинди булырлар да, кайсы якка үзгәрерләр – билгесез. Ә сезгә югарыда язылган яңарышлар ошыймы?

Илүзә Касыймова

Нравится
Комментарии (0)
Осталось символов:
Шәп укыла
  • 21 август 2019 - 15:57
    МИНЕМ ЯНГА АТЛАР КИЛДЕ... Бүген таң белән Салпар авылында берсеннән-берсе шомлырак ике хәбәр таралды. Буран котырган бу төндә, ферма стеналарын җимереп, колхозның иң хәлле биш атын урлап киткәннәр. Халидә белән Зәкәриянең кече уллары уеннан кермәгән. Урам очында яшәүче Матур апасында да кунмаган, күршедәге дус малае Рөстәмдә дә табылмаган...
    65
    0
    0
  • 22 август 2019 - 16:22
    УЕН (АНТИХИКӘЯ) – ГАЛИМҖАН ГЫЙЛЬМАНОВ Кафе. Ишектән тәкәббер генә бер чибәркәй килеп керде. Залга үтешли, янәшәдәге өстәл артында моңаеп утыручы егеткә күз сирпеп алды. Әллә исәнләште дә инде?
    43
    0
    0
  • 20 август 2019 - 21:30
    ТУГАН КӨНСЕЗ МАЛАЙ (ГАЛИМҖАН ГЫЙЛЬМАНОВ) Бу ятимнәр йортында әнисез яки әтисез балалар күп. Әтисез-әнисез балалар да бар. Кайберләренең әти-әнисе генә түгел, әби-бабасы, туган-тумачасы да юк. Анысы гына нәрсә... Айдарның туган көне дә юк хәтта. Барлыкка бар, тик дүрт елга бер генә килә. 29 нчы февраль көнне туган шул ул, кәбисә елны. Шуңа күрә, бер мәртәбә үткәрә дә өч ел рәттән туган көнсез, бәйрәмсез яши. Бу балалар йортына килгәч, ул әле бер дә үткәрмәде туган көнен.
    25
    0
    0
  • 6 август 2019 - 09:47
    «ЯНЫМДАГЫ КОЯШЫМНЫ ҖИБӘРГӘНМЕН...» – ЗӘРИНӘ ХУҖИНА ***
    Ә гомерләр үтте китте,
    Ә син китмәдең һаман.
    Калбемнең иң тирәнендә
    Күмелеп калдың бер заман.
    Ул көнне әле хәтерлим,
    Түп-түгәрәк ай яна.
    Гитарада уйныйсың син,
    Тыңлатып җырлар яңа.
    Яңа җы...
    22
    0
    0
  • 16 август 2019 - 13:38
    ФӘНИС ЯРУЛЛИН ШИГЫРЬЛӘРЕ Безнең сөю яшерен хәзинәдәй Тирән казып җиргә күмелгән. Белмәсеннәр өчен өсләренә Тигез итеп туфрак сибелгән. һәм белмәс тә аны һичбер кеше, Ул күмелгән шундый тирәнгә. Өсләрендә уйный бала-чага Ауный-ауный яшел чирәмдә.
    17
    0
    0
  • 15 август 2019 - 09:28
    142 ЕЛ РӘТТӘН ЯҢГЫРЫЙ ТОРГАН СҮЗ! Нәкъ 142 ел элек, 1877 елның 15 августында Томас Эдисон телефоннан сөйләшкәндә «Hello» («Алло») сүзен кулланырга тәкъдим итә.

    1876 елда Филадельфияның бөтендөнья күргәзмәсендә Александр Белл исемле...
    12
    0
    0
  • 12 август 2019 - 11:51
    ХАЛЫКАРА ЯШЬЛЕК КӨНЕ! Яшьлек, гомрең кыска синең, шундый кыска булып тоела... Бүген халыкара яшьлек көне! Кеше гомеренең иң гүзәл, хисләр белән кайнап торган, әкияти матур чагы! Ә яшьлек турында шагыйрьләрдән дә матуррак и...
    13
    0
    0
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019