Хәмдүнә Тимергалиевага - 70 яшь!

Бүген легендар җырчы, Татарстанның халык артисты Хәмдүнә Сәетгали кызы Тимергалиевның 70 яшьлек юбилее! "Һәрбер кешенең сәхнәдә үз урыны, үз йөзе, үз төсе бар... Җырны гомер буе җырлап өйрәнәсең. 49 ел җырладым, 70кә җитәм, әле һаман өйрәнәм. Җырлау ул көнендә генә бирелә торган әйбер түгел. Гомер буе җырларга, гомер буе өйрәнергә кирәк. Безнең профессия шундый!" - ди Татарстанның халык артисты Хәмдүнә Тимергалиева.

Хәмдүнә Тимергалиева Башкортстанның Борай районы Котлыяр авылында туа. Ул 1970 елда Стәрлетамак мәдәни-агарту училищесының хор-дирижерлык бүлеген тәмамлый. Зур профессиональ сәхнәгә чыкканчы, үзешчән сәнгатьтә катнаша, Борай мәдәният мәдәният сараенда, Тәтешле районында мәктәптә җыр укытучысы булып эшли.

1976 елда Г. Тукай исемендәге татар дәүләт филармониясенә эстрада бүлегенә эшкә килә. Җырчының иҗат юлы сәнгать осталары - Россиянең һәм Татарстанның халык артисты Илһам Шакиров,Татарстанның атказанган артисты Габдулла Рәхимкулов, Россиянең атказанган, Татарстанның халык артисты Эмиль Җәләлетдинов җитәкчелегендәге концерт группаларында башлана. Шул елларда ук ул татар халык җырларын яратып башкаруы белән аерылып тора.

Татар дәүләт җыр һәм бию ансамблендә солист булып эшләү вакытында ул җыр репертуарын баетуга зур әһәмият бирә. Халык җырларын аның үзенә генә хас башкару осталыгы аны тамашачыларның яртакан җырчысы итеп таныта. Татар халык җырлары «Җомга», «Ялгыз каен», «Картуф», «Усы буйлары», «Әлмәлүк көе», «Галигә барам әле», «Эх, замана», «Тәтешле көе», «Эх, Мәдинә, Мөкәрәмә», «Борай», «Бибизәкә», «Безнең дуслар марилар» көйләрен беренче профессиональ башкаручы була. «Уф, йөрәгем», «Ах, җаным суларда», «Ак чук, зәңгәр шәл» кебек татар халык җырларына яңа төсмерләр өстәп, аларны тагын да үтемлерәк итә, бу җырлар тамашачылар һәм радиотыңлаучылар арасында зур популярлык казаналар.

Җырчы баян беләнме яки инструменталь ансамбль беләнме, ул аңа гына хас эстрада манерасында артистлык такты белән үзенең чыгышларын ясый. Х. Тимергалиева башкаруында һәрбер әсәр үзенә күрә бер образ, ул тыңлаучыларга җыр драматургиясенең иң нечкә нюансларын җиткерә. Бу бигрәк тә, «Сары чәчәк» (Р.Хәсәнов көе, Ф.Гәрәев сүз.) җырын башкарганда тоела.

Х. Тимергалиева халык җыр иҗатының һәм татар композиторларының әсәрләренең иң яхшы үрнәкләрен пропагандалый һәм халык арасында популярлаштыра. Һәрдаим иҗади эзләнүдә республиканың композиторлары, шагыйрьләре белән тыгыз элемтәдә булу җырчыга яңадан-яңа музыкаль әсәрләр табуга ярдәм итә.Татар һәм башкорт композиторы Р. Яхин, С. Садыйкова, Ф. Әхмәтов, З. Гыйбадуллин, Р. Хәсәнов, Ф. Хатыйпов, Л. Б.-Болгари, Р. Тимербаев, А. Якшембәтов, Ф. Мортазин, Р. Сәләхетдиновлар махсус аның өчен үз әсрләрен иҗат итәләр. «Кайту» ( Л.Б.Болгари), «Якты елга» (З. Гыйбадуллин), «Ак болан» (А.Хөсәенов), «Соңгы сөю» (Ф.Хатыйпов), «Туган якка кайтсам, тәрәзә кадакланган» (А.Нәбиев), «Биеп кал» (Ю. Үзәнбаев) һ.б. җырлар җырчы башкаруында татар эстрада сәнгатендә алтын фондына керделәр.

Соңгы елларда да ул Г. Тукай исемендәге татар дәүләт филармониясендә үзенең сольный концертлары белән чыгыш ясады. Филармония сәхнә ветераннарын берләштергән «Илһамият» клубы белән дә төрле чараларда әле дә еш катнаша.

2018 елның 8 октябрендә Татар дәүләт филармониясе скверында Татарстанның халык артисты Хәмдүнә Тимергалиеваның исемле чыршысы утыртылды. Җырчы үзенең юбилей кичәсен Г.Тукай исемендәге татар дәүләт филармониясендә октябрь аена үткәрергә планлаштыра.

Чыганак: Татар дәүләт филармониясе



Без дә Хәмдүнә апабызны юбилее белән котлыйбыз! Аңа саулык-сәламәтлек, күңел тынычлыгы, озын гомер, иҗади уңышлар телибез.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 ноябрь 2020 - 17:43
    БӘХЕТЛӘРЕҢ БУЛСЫН, КЫЗ БАЛА Бүген эштә Флүрәнең әллә нигә көне буена үтереп эче пошты. Бар тынычлыгын алып, билгесез бер сәбәптән күкрәк турысын күзгә күренмәгән мәче тырнагы тына белмичә тырный да тырный. Эше бүген ярыйсы гына барганы да хатынны шатландырмады.
    923
    0
    7
  • 2 ноябрь 2020 - 11:38
    ЙӨРӘК БИТ УЛ! – Моңарчы ашларыңны бүлмәңә ташып, сине кадерләп кенә тордык, инде үзеңә барып ашарга туры килер, – диде табиб, елмаеп. Кулыннан тотып диваннан торгызды да бүлмә буйлап йөртеп карады. Аякларының хәлсезлеге бер нәрсә – йөри-йөри ныгыр, ә менә тын кысылуы, йөрәк хәлсезлеге белән нишләргә?
    818
    0
    6
  • 10 ноябрь 2020 - 15:12
    ЯШЕЛ КАР Әхмәт яшь чагында ук дуамаллыгы белән сукыр авыл мулласының да күзен ачкан егет. Юкны сөйләмә инде, дуамаллык белән генә ачыла торган булсамы, дөнья  йөзен бер күрер өчен тилмереп яшәүчеләр шулкадәр дә күп булмас иде. Никадәр егет асыллары үзләренең сөйгәннәрен күрер өчен нинди генә дуамаллыклар кылмас иде икән.
    782
    0
    3

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019