«ЕЛ СТУДЕНТЫ-2019»: ГРАН-ПРИ ИЯСЕ КЕМ БУЛЫР?

25 гыйнвар Россия студентлары көне булса, Татарстанда бу көнне – аерым бәйрәм. Ул да булса – “Ел студенты” 15нче республика премиясенең җиңүчеләрен бүләкләү тантанасы. Инде 15нче тапкыр уздырылган әлеге премия быел да искәрмә булмаячак. Гран-При иясен Татарстан Президенты Рөстәм Миңнеханов шәхсән үзе котлаячак.

Быел конкурска Татарстанның 25 вузыннан (иң активлары – Казан, Яр Чаллы шәһәрләре, Әлмәт муниципаль районы) 300 гариза килгән. Быел иң популяр номинацияләр – “Ел интеллекты” (бер урынга 53 кеше дәгъва кыла), “Ел җәмәгать эшлеклесе” (бер урынга – 35 кеше), “Гран-При” номинацияләре (бер урынга – 30 кеше) булган.

Җитмәсә, Татарстандагы әлеге бәйге Россиянең “Ел студенты”на да нигез булып торды. Моннан биш ел элек Россиянең әлеге премиясе беренче тапкыр нәкъ менә Татарстанда уздырыла башлаган иде дә инде.

Тимур Сөләйманов, Татарстан Яшьләр эшләре министрлыгының беренче урынбасары:

2005нче елдан бирле уздырыла торган бәйгегә ажиотаж артканнан-арта бара. Әгәр ул вакытта бу бәйгедә бары тик 9 номинация булса, хәзер – 18. Бүген “Ел студенты” – студент тормышының бөтен якларын колачлаган премия. Бу – перспективалы студентларның исемнәре атала торган трибуна. Моннан тыш, әлеге премия үзеңнең мөмкинлекләреңне күрсәтү мәйданчыгы да. Мисал өчен, кайбер студентлар шушы бәйгедән соң Татарстан Дәүләт Советы депутатларына әверелә. Үзеңнең мөмкинлекләреңне күрсәтеп, алга таба үзеңне табу мәйданчыггы да әле “Ел студенты”.

Министр урынбасары үзе дә 2005нче елда әлеге премиядә катнашып, Гран-При алуга ирешкән. Аның өчен иң мөһиме танылу һәм статуэтканы алу булган. Бүген алардан тыш, Гран-При иясе дөньяның теләсә кайсы вузында бушлай уку мөмкинлегенә ия була. Шуңа да аны республикабызда иң дәрәҗәле премия, дип атыйлар. Быел бу бүләкне җиңүчегә Рөстәм Миңнеханов шәхсән үзе тапшырачак. Гран-Прия ияләре бер ел уку өчен еш кына Европа һәм Америка вузларын сайлый икән. Кыска уку программасын сайлаучылар да бар. Мисал өчен, Андрей Анисимов 3 ай уку өчен – АКШның Небраска штатын. Төрле номинацияләрдә җиңүчеләргә быел – 15 000, ә Гран-При иясенә 50 000 сум акча тапшырылачак. Шулай ук бәйгенең иганәчеләреннән дә бүләкләр көтелә.

Былтыр “Ел студенты”ның презентацияләр этабы вакытында жюри әгъзаларының компетентлы булмавы аркасында тавыш та чыккан иде. Быел мондый хәлне булдырмый калу өчен, жюри әгъзалары “Студентлар лига”сының Президиум утырышында ук расланган икән.

Киләсе, 16нчы “Ел студенты” республика премиясе бераз үзгәрешләр кичерәчәк. Аның үзең килеп катнаша торган этаплары тагын да төгәлләштереләчәк. Мисал өчен, “Ел спортчысы” номинацияcендә көч сынашкан студент – спорт юнәлеше, “Ел җәмәгать эшлеклесе” номинациясендә үзен сынаган студент мәктәп укучыларына мастер-класс күрсәтергә тиеш була. Оештыручылар фикеренчә, бу катнашучыларны тагын да объективрак бәяләргә мөмкинлек бирәчәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 3 февраль 2020 - 09:47
    КОШЛАР КЫШЫН ДА САЙРЫЙ Гөлбәһия ахшам намазыннан соң озак юанмыйча, урын-ястыкларын актара башлады. Бүген иртәдән бирле, кунак киләсе бар кебек, авырайтып торды. Көннең кисәк кенә үзгәрүенең халәткә тәэсиреме?! Шулай дип уйлап та бетермәде, ишек кыңгыравы чыңлады. Ул мендәрен кочаклаган килеш тынып калды.
    3223
    3
    38
  • 14 февраль 2020 - 15:10
    ХӘЕРЛЕ БУЛСЫН СӘФӘР Ярата Рушан шәһәрдән читтәге заказларны. Монда юллар да ярыйсы гына. Шәһәр урамнарындагы кебек чокырлы-чакырлы урыннар аз. Якынлашу белән һәр чатта кызыл күзләрен кабызып көтеп торган светофорлар да юк. Аны-моны уйламыйча, саклыкның ни икәнен дә белмичә юлга атылып чыккан җәяүлеләр дә күренми.
    3056
    1
    18
  • 5 февраль 2020 - 16:42
    МИЛӘШ АЧЫСЫ Ашыкмый шул Сәвия әби: өйдә көтеп утырган кешесе, умырып эшләрдәй эше юк. Ялларда балалары килгәч, җыештырып, ашарына әзерләп китәләр. Балалары күпме генә үзләренә чакырсалар да, алар янына китеп яшисе килми аның.
    1968
    2
    35

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019