Чыгарылыш кичәсе урынына – бушлай ашату

Техас штатында укучылар чыгарылыш кичәсеннән баш тарткан. Аның урынына алар приютта яшәүче йорт-җирсез кешеләрне пицца белән сыйлаган.

Әлеге идея Хьюстон шәһәрендә укучы Леанн Карраскога килә. Аның инициативасын дуслары, сыйныфташлары хуплый һәм тормышка ашыра. Укучы кызның моңа кадәр “Star of Hope” гаилә үзәгендә волонтерлык тәҗрибәсе була. Ул анда бөтен гаиләсе белән ярдәм итә. Әлеге чарага яшьләр бер ай алдан әзерләнә. Көне килеп җитәр алдыннан, егет-кызлар шәхси гигиена кирәк-яраклары белән тулган 400 пакет әзерли. Бөтенесе бергә шушы гаилә үзәгенә килеп, 95 пиццага  заказ бирә һәм кирәк-яраклар тулган пакетлар бүләк итә.