Быелгы җәйнең иң кызу көннәре якынлаша

Быелгы җәйнең иң кызу көннәре кайчан булачак? Бу сорауга Гидрометеорология үзәгенең фәнни җитәкчесе Роман Вильфанд җавап биргән.

Аның сүзләренчә, 2019 нчы елның иң кызу көннәре июль ахыры, август башына туры киләчәк. Якынча бу 26 июль-5 август көннәре булыр дип уйланыла. Ә инде аерым көннәргә килгәндә, 31 июль һәм 1 августта иң кызу җәй булачак.

Вильфанд сүзләренчә, әлегә туфрак тулысынча җылынып бетмәгән һәм ул кояш җылысын кабул итү стадиясендә генә. Ә менә 20 июльдән соң инде ул тулысынча җылынып, әлеге кызулыкны атмосферага бүлеп бирә башлаячак.