Белем бәйрәме белән Рөстәм Миңнеханов котлый

Бөтенроссия «Белем көне» бәйрәме уңаеннан


Татарстан Республикасы Президенты Р.Н. Миңнеханов


МӨРӘҖӘГАТЕ:


Кадерле татарстанлылар!


Хөрмәтле мөгаллимнәр!


Укучыларны һәм студентларны, ата-аналарны, укытучыларны һәм тәрбиячеләрне, Татарстанның мәгариф системасы хезмәткәрләрен һәм ветераннарын Белем көне һәм яңа уку елы башлану уңаеннан чын йөрәктән тәбрик итәм.

Россиядә 1 сентябрь дәүләт һәм гомумхалык бәйрәме буларак билгеләп үтелә. Бу исә илебездә мәгарифкә һәм яшь буынны тәрбияләү эшенә ни дәрәҗәдә зур әһәмият бирелүен тагын бер кат ачык дәлилли. Җәмгыятьнең төрле катлау, төрле милләт вәкилләре тотрыклы, гомумкешелек өчен уртак булган рухи хәзинәләрнең көзгесе – Белем көнен бердәй дәрәҗәдә зурлап бәйрәм итә.

Һәр елны меңләгән сабый бик дулкынланып мәктәп бусагасын тәүге кат атлап керергә әзерләнә. Беренче кыңгырау чыңлау белән алар белем иленә сәяхәткә чыгып китә, олы тормышка илтәчәк шактый мәшәкатьле, әмма мавыктыргыч юлга аяк баса. Һәм, әйтергә кирәк, республикабызның, бөтен илебезнең матур киләчәге әлеге юлның ни дәрәҗәдә якты һәм киң булуына, мәктәптәге беренче укытучыларның, югары уку йортындагы остазларның белеменә, һөнәри осталыгына һәм күңел киңлегенә бәйле.

Югары технологияләрне, тизлекне үз иткән чор җәмгыятькә, безнең һәрберебезгә җитди таләпләр куя. Хәзерге заманда бары тик мәгърифәтле, киң мәгълүматлы, шуларны эштә кулланырга, башкаларга аң-белем бирергә сәләтле, даими үсешкә, камилләшүгә йөз тоткан кешеләр генә чын-чынлап уңышка ирешә ала.

Мәгариф өлкәсендәге эшебезнең гражданлык һәм ватанпәрвәрлек, туган телгә, ата-бабаларыбыз мәдәниятенә, гореф-гадәтләренә олы ихтирам һәм мәхәббәт хисләре уяту белән бергә нәкъ менә шушы сыйфатларны булдыруга юнәлтелүе зарур.

Татарстан бүген мәгариф һәм югары квалификацияле белгечләр әзерләү өлкәсендә иң әһәмиятле саналган байтак юнәлешләрдә алдынгылар сафында бара. Шуның бер күрсәткече буларак, бу көннәрдә зур колачлы әзерлек эшләре алып барыла торган «WorldSkills» һөнәри осталык буенча дөнья чемпионатын 2019 елда үткәрү өчен Казан шәһәренең сайлап алынуын мисалга китерергә мөмкин.

Татарстан мәгарифе казанышлары башлыча укытучыларның, профессорларның, югары уку йортлары мөгаллимнәренең, мәктәпкәчә учреждениеләр тәрбиячеләренең, тренерлар һәм һөнәренә чиксез бирелгән педагогларның тырыш хезмәте нәтиҗәсендә ирешелә. Республикабызның бүгенгесенә һәм киләчәгенә бәяләп бетергесез зур өлеш керткәнегез өчен сезгә олы хөрмәтемне белдерәм.

Яңа уку елында уңышлар күп булсын!

Һәммәгезгә дә чын күңелдән тынычлык, игелек, иминлек телим!

Бәйрәм белән, хөрмәтле татарстанлылар!

Татарстан Республикасы Президенты Р.Н. Миңнеханов

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    799
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    571
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    472
    0
    0

Блоглар