БДИНЫҢ ТЕСТ ӨЛЕШЕ БУЛМАЯЧАК

Биология, физика, химия фәннәре буенча БДИда тест өлеше булмаячак. Быел әлеге сынауда әллә ни зур яңалыклар көтелми. Шулай да үзгәрешләр бер дә булмый калмаячак. Укучыларга турыдан-туры кагыла торган яңалыклардан ул тагын 3 фәннән – физика, химия, биологиядән тест өлешләре юк ителүе.

- Әйтергә кирәк, тест өлешен юк итү берничә ел рәттән дәвам итә. Бүгенге көндә бары тик чит телләр буенча гына тест өлеше кала. Җәмгыятьтә безнең ялгыш фикер урнашкан: әйтерсең лә, бердәм дәүләт имтиханы – ул тест, Көнбатыштан алынган күренеш дип. Рәсми рәвештә әйтәсем килә – бердәм дәүләт имтиханы үзгәрә. Хәзерге вакытта ул тестка корылган ниндидер сынау түгел, - дип белдерде Татарстан Мәгариф һәм фән министры урынбасары Илдар Мөхәммәтов.

Тест өлешенең юк ителүе белән укучыларга имтихан тапшыру да авырлаша, нәтиҗәләрнең начарланырга мөмкин дип уйлау исә дөрес түгел, дип белдерә министрлык белгечләре. Әйтик, узган елда 4 фән буенча имтихан биремнәреннән тест өлеше юк ителде. Әлеге предметлар буенча күрсәткечләр исә, республика буенча, алдагы ел белән чагыштырганда, бераз югарырак та булган әле.

Тагын бер үзгәреш – ул итихан уздыру процедурасы белән бәйле. Контроль-үлчәм материалларны урында, ягъни имтихан уздыру пунктында бастыру тәҗрибәсе кертелә. Узган елда бу берничә районда сыналды да. Агымдагы елда әлеге технология 12 имтихан уздыру пунктында кулланылачак. Контроль-үлчәм материаллар аудиториядә бастырылачак, шунда ук таратылып, шунда ук скан аша уздырып, базага кертеләчәк. Алга таба барлык имтихан уздыру пунктларында да әлеге технологияне куллану күздә тотыла.

Агымдагы елда 11 сыйныфны тәмамлаучылар элеккечә ике мәҗбүри имтиханны – математика (база яки профиль дәрәҗәдә) һәм рус телен тапшырачак. Калган фәннәрне һәр егет-кыз, укырга керәчәк вуз һәм белгечлеккә таләп ителгән имтиханнардан чыгып, үзе сайлый. Имтиханнар санына чикләүләр юк.

//tatar-inform.ru//

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 27 март 2020 - 10:08
    ПАР БЕЛӘЗЕК Зөлхиҗҗә иртәгесен туган-тумача, дусларын, тирә-күршеләрен җыеп Коръән мәҗлесе уздырырга әзерләнә иде. Киләсе кунаклар инде чакырылган. Бик озак урын хастасы булып яткан әнисенең бакыйлыкка күчкәненә ике ел узып та киткән. Хәергә өләшәсе йомшак ак сөлгеләре күптән түрдәге тумбочка өстенә таслап куелган. Зөлхиҗҗә әнисе исән чакта да аңа гел ак төстәге күлмәкләр, яулыклар гына ала иде. Биш ел урында ятты карчык.
    4326
    0
    82
  • 18 март 2020 - 15:36
    ТӘҮГЕ МӘХӘББӘТ Ә мәхәббәт дигәнең буйга-сынга карыймы соң? Ул бит буйга гына түгел, яшькә дә карамый. Мәхәббәт үтмәслек киртәләр юк. Ә тәүге сөю бигрәк тә...Ә Зөлфәтнең йөрәгендә әле бу саф тойгының бөреләнеп чәчәк атар чагы гына. Унҗиде яшь... Гомернең иң матур, иң кадерле чагы икәнлеген без бик күп еллар үткәч кенә аңлыйбыз шул. Мәңгегә шулай яшь, матур, дәртле булырбыз кебек.
    3589
    0
    32
  • 24 март 2020 - 16:21
    ҮЗ ЯЛГЫШЫМ, ҮЗ ЯЗМЫШЫМ Рәмилә, уйларыннан арынып, наушнигын салды да кызының бүлмәсенә керде. Индира скайптан Марс белән аралаша иде. Шулай да әнисен күргәч, экранны сүндереп куйды. Рәмиләнең Хәбир турында бик сорыйсы килә иде. Әмма сүзне башка яктан башлады: “Син, кызым, дәү әниең белән алай дорфа сөйләшмә, ярыймы. Ул бит сиңа яхшылык кына тели”. Әнисенең бу сүзләре ачуын китердеме, Индира йөзен чытты: “Әни, син ул җен карчыгына буйсынып, үзеңне ирдән, мине әтидән яздырдың! Сез икегез дә аның корбаны!
    3446
    0
    33

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019