БДИдан начар балларда кем гаепле?

Шушы көннәрдә матбугат чараларында БДИ нәтиҗәләре түбән булган мәктәпләрнең директорлары эштән алыну турында мәгълүмат таралды. Әйтергә кирәк, бу хәбәр бик күпләрдә ризасызлык уятты... 

Директорлар белән контрактлар озайтылмау турында “Эшлекле дүшәмбе” киңәшмәсендә Чаллы мэры Наил Мәгъдиев белдергән иде.

- Без кайсыбер мәгариф учреждениеләре директорлары белән контрактларны озынайтмадык. Чөнки һәрбер мәктәп өчен шартлар бертөрле. Тик кемнеңдер күрсәткечләре яхшы, башкаларныкы начар. Ә мәктәптә белем алучы балаларның 80 проценты шактый яхшы нәтиҗәләргә ирешә ала дип саныйм. Алар белән тырышып  эшләргә, белем бирергә кирәк. Бала мәктәп елларын юкка уздырырга тиеш түгел, - дип үз фикерен җиткергән иде мэр.

Матбугат чаралары Наил Мәгъдиевнең бу сүзләрен БДИ нәтиҗәләре белән бәйләде. Мәктәп директорларын нәкъ менә БДИ нәтиҗәләре буенча эштән алганнар, янәсе. Хәер, без дә шулай аңлаган идек. “Бу - мәктәп директорларын эштән алу өчен сәбәп була ала микән?” - дип аптырадык.

Тик тиздән Чаллы мэриясе бу вәзгыятькә ачыклык кертте. Чыннан да директорлар белән контрактларны өзүдә БДИ һәм ОГЭ нәтиҗәләре сәбәп була алмый икән! Биредә мәктәпләрнең гомуми рейтингы күздә тотыла. Директор укытучылар белән ничек эшли, тәрбияви процесс ничек оештырылган – болар шулай ук мөһим күрсәткечләр.

Мәсьәләгә ачыклык керде. Шулай да, әлеге хәбәр шактый кызыклы сорауны күтәрде һәм ул һаман да ачык булып кала бирә. Мәктәпләрдә БДИ һәм ТДИ нәтиҗәләре түбән булуда кемне гаепләргә соң? 

Бу сорауга төгәл генә җавап бирүче табылмас, мөгаен. Шулай да, без аны кайбер укытучы, укучыларга биреп карадык. Һәм менә шундый җаваплар алдык.

Камәрия Хәмидуллина, Казан шәһәре Мәскәү районының 2 нче татар гимназиясе директоры:


–  БДИ нәтиҗәләре түбән булган мәктәпләр бардыр, билгеле. Һәм ниндидер нәтиҗәләр ясаганчы, вәзгыятьне бик яхшылап тикшерергә кирәк. БДИны ничә бала начар биргән? Ни өчен икеле алган? Мәктәптә нигезләмәләрне боза торган ниндидер эшләр эшләнмәгәнме? Бары тик шуннан соң гына  беренче нәтиҗәне ясап була дип саныйм.


БДИны 399 баллга биргән Рамил Баһавиев:


– Минемчә, имтиханга әзерләнгәндә укытучылар гына түгел, укучылар да тырышырга, үз өлешен кертергә тиеш. Миңа калса, түбән нәтиҗәләр булуда балаларның да гаебе бар.


«Алтын Каләм-2019» җиңүчесе Айназ Сөләйманова:


– Минемчә, БДИ – укучының шәхси эше, аның белем дәрәҗәсен объектив тикшерү чарасы.  Мәктәп һәм укытучылар исә аның түбән балларында гаепле түгел, дип саныйм. Үз нәтиҗәләре өчен ул үзе җавап бирергә тиеш.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2500
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1978
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    629
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019