БДИ һәм ТДИда Интернет кулланырга рөхсәт итәчәкләр!

Гуманитар фәннәр буенча БДИ һәм ТДИда Интернетны кулланырга рөхсәт итәргә телиләр. Ә кайбер фәннәр буенча биремнәр видео форматында тәкъдим ителәчәк. Әлеге яңалыкларны киләсе 5 ел эчендә кертмәкчеләр.

Педагогик үлчәмнәр буенча федераль институт (ФИПИ) директоры Оксана Решетникова әйтүенчә, имтиханнарны яңа төрле формада тапшыра башлау белән укучыларга Интернетта булган мәгълүматны кулланырга мөмкин булачак. Тик ресурсларның барысын да түгел. Аларны ничек чикләячәкләре әлегә билгеле түгел.

Шулай ук киләчәктә имтихан вакытында төрле тәҗрибәләр дә уздырып булачак. Уңышлы узган тәҗрибә өчен баллар куелачак.

Решетникова сүзләренчә, һәр яңа технологияне әйләнешкә кертеп җибәрү өчен ким дигәндә ике ел вакыт кирәк, бу вакыт эчендә төрле өлкәләрнең моңа ни дәрәҗәдә әзер булуы тикшерелә, мониторинг уздырыла.

Белгечләр фикеренчә, БДИда Интернетны куллану мөмкинлеге бирү укучыларның белемнәрен генә түгел, ә кайбер күнекмәләрен дә бәяләргә ярдәм итәчәк.  Мисал өчен, бу рәвешле барлык булган мәгълүматны анализлый, эшкәртә, чагыштыра һәм дөрес куллана белү күнекмәләрен бәяләп булачак.

Зилә САБИТОВА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2489
    0
    15
  • 20 август 2020 - 16:57
    ЯЗМЫШЛАРНЫ САЙЛАП АЛМЫЙЛАР Энҗе, әнисе күрмиме икән, дип, курка-өркә өйләре ягына карап торды да, тиз генә мунчага кереп китте. Пычранган күлмәген мунча алдында салды да, эчкә кереп, салкынча суда нәни куллары белән ышкып-ышкып юарга тотынды. Эскәмиядә яткан хуш исле кул сабынын тидерде. Итәк очындагы таплар бетмәгәч, кырыйда торган кер тактасына салып тырышып-тырышып ышкырга кереште. Урам аша гына яшәгән күрше әби оялтты аны бүген.
    2323
    0
    13
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1971
    0
    8

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019