Логотип Идель
Белми калма

Бүген Кояш тулысынча тотыла!

Бүген - 2 июль көнне Җир планетасында яшәүчеләр тулысынча Кояш тотылуны күзәтә алачак! Бу күренеш Җирнең Көнбатыш ярымшарында яшәүчеләргә күренәчәк.

Кояш тотылу Мәскәү вакыты буенча 22:23тә башлана һәм 4 минут 33 секунд дәвам итәчәк, дип белдерә Мәскәү планетарие. Тын океанның көньяк-көнчыгышыннан, Чили һәм Аргентинада яшәүчеләргә бу Кояш тотылу аеруча яхшы күренәчәк.

Шулай ук бу планетарий хәбәр итүенчә, 2019 елда ике тапкыр Кояш тотылу күренешен күзәтеп булачак: 2 июль көнне Кояш тулысынча тотылса, 26 декабрьдә боҗрасыман тотылу көтелә. Ә 17 июльдә Җирдә яшәүчеләр Айның тотылуын күзәтә алачак. Ансы Россия территориясендә дә яхшы күренәчәк.






Следите за самым важным и интересным в Telegram-каналеТатмедиа

Нет комментариев