"Ана капиталы" кебек үк "Ата капиталы" да булачак



Россия гаиләләрен яңа закон белән сөендерергә мөмкиннәр: күп балалы әтиләргә дә субсидия бирелү турында Иҗтимагый палата комиссиясе доклад әзерли.

Күп балалы әтиләр өчен әлеге субсидия "ана капиталы"на охшаш булачак. Биреләчәк сумма да тәңгәл булыр, дип көтелә. "Известия" басмасы хәбәр иткәнчә, бу субсидияне өченче бала тугач бирелү карала. Төп шартлар - бөтен балаларның да бер гаиләдә тәрбияләнүе һәм әти-әнинең рәсми рәвештә өйләнгән булуы. Тагын шунсы бар - "ата капиталы" әниләр алган түләүләрне юкка чыгармый, киресенчә, аңа өстәмә буларак барачак.

Әгәр дә бу планнар чынга аша калса да, субсидия барлык регионнарда бирелмәячәк. Ул иң беренчеләрдән булып Ерак Көнчыгыш, Калининград өлкәсе, Кырым һәм Севастополь әтиләренә эләгәячәк. Бу регионнар әлеге субсидияне түләү өчен пилот өлкәләр булып сайланган.
Ана капиталының күләме 2015 елдан бирле үзгәрми - 453 026 сумны тәшкил итә. Бу акчалар Россия гаиләләренә икенче һәм аннан соң туган балалар, уллыкка яки кызлыкка алынган балалар өчен бер тапкыр түләнелә. Ана капиталы тере акчалата бирелмәсә дә, әлеге сумманы тормыш шартларын яхшыртуга (ипотеканы да исәпкә алып), белем алу өчен түләүгә, әнинең киләчәктә пенсиясенең тупланган өлешенә өстәмә итеп кулланырга була.








Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    755
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    699
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    515
    0
    0

Блоглар