АЛТЫН МЕДАЛЬ ӨЧЕН ӨСТӘМӘ БАЛЛАР АРТА? КҮПМЕГӘ? КАЙЧАН?

Дәүләт Советы алтын медаль өчен тапшырылган, БДИ нәтиҗәләренә өстәмә булып бара торган баллар санын арттырырга тәкъдим итә.

Әлеге закон проектында баллар санын аз дигәндә 11 итү турында сүз бара. Моны “Гадел Россия” (“Справедливая Россия”) партиясе депутатлары Игорь Ананских белән Николай Рыжак тәкъдим иткән.

Ананских әйтүенчә, алтын медальгә элеккеге дәрәҗәсен кайтарырга кирәк. Шулай ук ул университетларда бүгенге көндә алтын медаль өчен күп дигәндә 2-3 балл гына өстәүләрен дә искәртә. Авторлар фикеренчә, минималь балл закон нигезендә билгеләнеп, максималь баллны университет үзе куйса яхшы.

Бүгенге көндә университетлар БДИ нәтиҗәсенә күп дигәндә 10 балл гына куша ала. Шул сәбәпле, кабул итү комиссияләрендә бу санны бүләр: күпмедер өлеше медаль өчен булса, калганы башка уңыш һәм нәтиҗәләр өчен. Мисал өчен, МГУда алтын медаль өчен 5 өстәмә балл бирелә, тагын 5 балл ГТО түштамгасы өчен бирелә ала.

Ә яңа закон проектында алтын медаль өчен генә дә БДИ нәтиҗәләренә 11 (!) балл кушарга тәкъдим итәләр. Димәк, дуслар, укырга, укырга һәм тагын бер кат укырга! Шундый шәп мөмкинлек булганда, нишләп укымаска? 11 балл аяк астында аунап ятмый бит!?

Зилә САБИТОВА әзерләде



Тагын укырга:


АЛТЫН МЕДАЛЬ ӨЧЕН БДИда ӨСТӘМӘ 11 БАЛЛ

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    679
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    540
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    332
    0
    0

Блоглар