Африканың бер караңгы авылындагы мөгаллим - дөньяның иң яхшы укытучысы!

Дубай хәйрия фондларының берсе ел саен дөньяның иң яхшы укытучысын билгеләп, аңарга 1 миллион доллар күләмендә премия тапшыра. Быел әлеге исемгә Кениянең бер кечкенә авылында физика һәм математика укытучысы булып эшләүче Питер Табичи лаек булган.

Бәйгедә дөньяның 179 иленнән барлыгы 10 меңнән артык кеше катнашкан. Финалга Һиндстан, АКШ, Бразилия, Япония, Аргентина, Бөекбритания, Грузия, Нидерланды, Кения мөгаллимнәре узган. Питер Табичи исә шулар арасыннан иң-иңе итеп сайлап алынган. Бүләкләү тантанасында аның исемен танылган актер Хью Джекман игълан иткән.

Иң кызыгы, әлеге мөгаллим укыта торган мәктәп бик иске. Анда 58 балага нибары 1 укытучы туры килә. Компьютер шулай ук берәү генә. Укучыларга мәктәпкә килеп җитү өчен фәлән километр ара узарга туры килә. Аларның күбесе – начар гаиләләрдән, я булмаса ятимнәр.

Шулай булуга да карамастан, Табичи укучылары тырышып белем ала. Алар халыкара фәнни олимпиадаларда җиңә. Жюрины, беренче чиратта, нәкъ менә шушы факт кызыксындырган да инде.

1 миллион долларны укытучыга берьюлы бирмиләр, билгеле. 10 ел дәвамында аңа ел саен 100 мең доллар акча бирелеп барачак. Әлеге акчаны ул, әлбәттә, мәктәпнең хәлен яхшыртуга тотачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2492
    0
    15
  • 22 август 2020 - 09:00
    НУРЛАНЫШ БҮЛМӘСЕНДӘ ...Май кояшы җылы нурларын өләшә. Палатаның кечкенә тәрәзәсеннән төшкән саран нурлар Регинаның күзләренә төшеп күзләрен камаштыра, күзләре үзләреннән-үзләре яшьләнеп йомылалар. Яшьләнгән күзләрендәге җан сагышын башкаларга күрсәтмәскә тырышып, стенага борылып ятып, одеялын башыннан үк бөркәнеп куя да уйлар диңгезенә чума яшь ана.
    1974
    0
    8
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    617
    0
    1

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019