АБИТУРИЕНТЛАР БДИга КАДӘР ҮК ВУЗга ДОКУМЕНТЛАР ТАПШЫРА АЛАЧАК

БДИ графигы үзгәрүгә карамастан, вузларда документларны кабул итү инде июньдә ук башланачак. Чөнки 15нче июньгә чыгарылыш сыйныф укучылары мәктәпне тәмамлау турында аттестатларны алып бетерергә  тиеш. БДИ башланганчы ук, абитуриентлар документларын тапшыра алачак.

Кабул итү комиссияләре гариза, аттестат, фотография һәм башка документлар белән эш итәчәк. БДИ тапшыргач ук, аның баллары базага кертелә, кабул итү комиссиясенә абитуриентларның рейтингын төзисе һәм кабул итү турында карар кабул итәсе кала. Шулай ук июьдә көллият, техникумнарны тәмамлаганнар һәм узган елларны БДИ тапшырганнар да бакалавриатка керү өчен документларын тапшыра ала.

Быелгы яңалык: абитуриентлар документларын дистанцион форматта тапшырачак. Бу йә университетларның мәгълүмати системалары, йә “Поступи онлайн” хезмәте аша булачак. Элеккеге елларны кебек үк, документларны 5 вузга, ә һәр вузда өч белгечлеккә тапшыру мөмкинлеге бар. Иҗади белгечлекләргә укырга керер өчен өстәмә имтиханнар шулай ук онлайн-форматта узачак.

Моңа кадәр Россиянең фән һәм югары белем министры Валерий Фальков быел абитуриентлар вузга керү өчен документларын 20нче июньнән тапшыра алачак, дип белдергән иде.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
Иҗат
КЫЯР БЕЛӘН ПОМИДОР ТУРЫНДА ХИКӘЯТ
585
0
0
Иҗат
«УНБЕРЕНЧЕ ӘХМӘТ» ӘКИЯТЕ
1455
0
1
Иҗат
ДИЮ КЫЗЫ, БАЙ МАЛАЕ ҺӘМ МУЛЛА
1490
0
0