300 МЕҢ СУМ АЛ: ФИЗИК ЗАТЛАР ӨЧЕН ГРАНТ БӘЙГЕСЕНДӘ КАТНАШ!

11 декабрьдән башлап, 11 гыйнварга кадәр яшьләргә грантлар буенча ярдәм күрсәтү бәйгесе уза. Моның өчен grantminmol-rt.ru сайтында теркәлергә кирәк. Республика күләмендә уздырыла торган башка бәйгеләрдән аермалы буларак, бу юлы грант алыр өчен, ниндидер иҗтимагый оешманы тәкъдим итәргә кирәкми. Ярдәмне 18-30 яшьлек физик затлар алырга мөмкин. Моның өчен республика бюджеты 7 миллион сумга кадәр акча бүлеп бирәчәк.

Конкурста катнашыр өчен

– grantminmol-rt.ru сайтында онлайн-анкетаны тутыр;

– анда проектыңның максаты һәм бурычларын күрсәт;

– тормышка ашыру планын яз;

– проектны бюджетын да күрсәт.

Шуннан соң гаризаны экспертлар тикшерә. Иң яхшы проектларның катнашучылары экспертлар алдында чыгыш ясый алачак.

Физик затларга юнәлтелгән бәйге 9 юнәлеш буенча тормышка ашырыла. Алар арасында үзмәшгүльләр өчен булган аерым номинация дә бар. Җиңүче алачак грантның күләме төрле булырга мөмкин. Әмма бер кеше иң күбе 300 мең сум күләмендә ярдәм ала алачак. Әлеге финанс ярдәмен җиңүче үз проектын тормышка ашыру өчен тотарга, аннары проектның тормышка ашырылуы турында хисап тапшырырга тиеш. Шул исәптән, проектның сыйфат һәм сан ягыннан булган нәтиҗәләрен дә күрсәтү кирәк булачак.

Мондый конкурсны уздыру инициативасын Татарстан яшьләр эшләре министры Дамир Фәттахов тәкъдим итте. Яшь кешенең иҗтимагый оешмага беркетелүе мөһим түгел, дип саный ул. Чөнки үз идеясен теләгән һәркем тормышка ашыра алырга тиеш. Аның фикеренчә, грантлар, аеруча яшьләр мохитендә, – гражданнар инициативасына ярдәм күрсәтү өчен мөһим инструмент.

Грантлар тапшырып, без яшьләргә “кармак” бирәбез, шулай итеп, алар, конкурста катнашып, проект уйлап табып, команда җыя, аны үз артыннан ияртә ала, тәҗрибә һәм күнекмәләр ала, ә иң мөһиме – үзенең креатив потенциалын тормышка ашыра. Тикшеренүләр шуны күрсәтә: безнең яшьләр дәүләттән әзер мөмкинлекләрне кулланырга тели, – ди министр.

Бәйгегә гаризалар бер ай дәвамында – 11нче гыйнварга кадәр кабул ителә. Аның җиңүчеләре үз проектларын 2020 елда тормышка ашырырга һәм шул ук елны хисап тотарга тиеш булачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2572
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    728
    0
    1
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    634
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019