2020/2021НЧЕ УКУ ЕЛЫНДА МӘКТӘПЛӘРДӘ КЫҢГЫРАУ ЧЫҢЛАМАЯЧАК

Менә шундый яңалык, дуслар. Әйе, дәресләр башланганны, тәмамланганны искәртеп, мәктәпләрдә быел кыңгыраулар чыңламаячак. Ни өчен шулай була соң?

2020-2021 уку елы әнә шундый үзенчәлеккә ия булачак. Татарстанның мәгариф министры урынбасары Алсу Әсәдуллина әйтүенчә, моның сәбәбе - дәресләрнең төрле сыйныфларда төрле вакытта башлануы. Бу махсус башка укучыларга комачауламас өчен эшләнә.

Ә дәресләр коронавирус инфекциясе таралмасын, балалар бер урында күп итеп җыелмасын, контактлар мөмкин кадәр азрак булсын өчен төрле вакытта башлана.

Шулай ук һәр сыйныфның үзенә беркетелгән кабинеты булачак, ягъни укучылар бер кабинеттан икенчесенә күчеп йөрмәячәк. Физкультура, физика, химия дәресләре чыгарылма булып тора, алар, мөмкинлек булганда, саф һавада үтәргә тиеш.

Белем алу процессын мәктәптә уку белән дистанцион укуны чиратлаштырып оештыру турында да сүзләр булган иде. Алсу Әсәдуллина моны уңайсыз һәм дөрес түгел дип саный.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов: