2020 ЕЛНЫҢ ИҢ ПОПУЛЯР СҮЗЕ

Россия халкы тарафыннан 2020 елдагы иң күп кулланылган сүз билгеле булды. Нинди?

Моны ачыклау өчен махсус сораштыру уздырылган. Россиялеләр фикеренчә, узып барган елның иң популяр сүзе -  “коронавирус”.

Тикшеренү нәтиҗәләре шуны күрсәткән. 2020 елның төп сүзе “коронавирус” дип сораштыруда катнашучыларның 61%ы аны атаган. Икенче урында – “конституциягә төзәтмәләр” (29%), өченче урында – “үзизоляция”, “дистанцион белем алу” һәм табиблар (23әр %), дүртенче урында – “кризис” (19%), бишенчедә “билгесезлек (16%), алтынчыда “вакцина” (12%), җиденчедә  “читтән торып эшләү” (11%) сүзләре.

Сораштыру 2020 елның ноябрь-декабрендә уза. Анда 18 яшьтән өлкәнрәк 1,6мең кеше катнаша. Алар барысы да телефон аша интервью биргән.