1нче февральгә кадәр язмышыңны хәл ит!

Урак өсләре  башланмаса да, башлары каткан чак. 11нче сыйныфта укучыларны әйтүем. Чөнки аларга чын мәгънәсендә язмышларын хәл итәргә – нинди имтиханнар тапшырасыларын төгәл билгеләргә кирәк.

Чыгарылыш сыйныф укучылары бу гаризаны 1нче февральгә кадәр мәктәпләргә тапшыра. Анда рус теле һәм математика кебек мәҗбүри имтиханнардан кала, башка предметлар буенча БДИны мөстәкыйль рәвештә сайлый. Чыгарылыш аттестациясе 14 дисциплина буенча бар.

Узган елгы чыгарылышлар гаризаны үзләре яшәгән җирлектәге мәгариф бүлекләренә тапшыра. Урта һөнәри уку йортларында белем алучылар исә гариза тапшырганда, уку йортларыннан белешмә дә таләп ителә. Анда  урта гомуми белем бирү программаларын үзләштерү яки бу елда аларны тәмамлау турында мәгълүмат була.

БДИ катнашучысы гариза белән бергә үзенең мәгълүматларын эшкәртүгә ризалык һәм ата-анасы яки законлы вәкиленең укучы турындагы мәгълүматларны эшкәртүгә ризалыгы да беркетелә.

Быелгы чыгарылыш укучыларына математиканың йә база, йә профиль дәрәҗәсен сайларга кирәк була. База дәрәҗәсе исә әлеге предмет аттестат алу өчен генә кирәк булган студентларга таләп ителсә, ә вузга керүчеләргә исә профиль дәрәҗәсен сайлау кирәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    682
    0
    0
  • 8 май 2021 - 18:49
    НИЧЕК ШИГЫРЬНЕ РЕКЛАМАГА ӘЙЛӘНДЕРМӘСКӘ: КУКМАРА УКУЧЫЛАРЫ ИҖАТЫНА КҮЗӘТҮ Кукмара районына «Әйдә, киттек» проектын төшерергә баргач, яшүсмерләр безнең кулга бер өем шигырь китереп бирделәр. Ә без шигырьләр укырга яратабыз. Димәк, бу санда Кукмара районы яшь шагыйрьләренең иҗатларына күзәтү ясарбыз.
    316
    0
    0
  • 9 май 2021 - 09:55
    ҖИР ЙӨЗЕНДӘ ӘКИЯТ БАР! Җир йөзендә әкият бар Таңда исеп куя җил, Чал дулкынны куа җил —
    304
    0
    0

Блоглар