Салават балаларны яклау көнендә Казандагы ишегалларның берсендә концерт куячак

1 июнь – Халыкара балаларны яклау көне. Шул уңайдан Казанда бик күп чаралар көтелә.

Бәйрәм кысаларында ТРның халык артисты Салават  Фәтхетдинов да чыгыш ясарга теләк белдергән. Концерт Ф.Әмирхан урамының 81, 83, 85 йортлары ишегалдында уза.

Кремль яр буенда да төрледән-төрле кызыклы чаралар оештырыла. Мисал өчен, рәсем дәресләрендә катнашырга мөмкин булачак. Моңа өстәп балалар үзләрен йөгерек укуда сынап карый алачак, төрле уен мәданчылары эшләяәчәк, балалар коллективлары чыгыш ясаячак, балалар өчен дискотека оештырылачак. Шулай ук бушлай туңдырма шоколадлар белән сыйларга да вәгъдә ителә.

Башкаланың күп кенә паркларында да  (“Горький”, “Калейдоскоп”, “Крылья Советов парклары” һ.б) төрледән-төрле кызыклы уен, бәйге, остаханәләр көтелә. Мәсәлән, “Калейдоскоп” паркында 10.00-13.00 аралыгында бәйрәм концерты карарага, квест үтәргә, мастер-классаларда катнашырга мөмкин. “Урицкий” паркына килүчеләр 14.00-19.00 аралыгында брейк-данс баттл карап  хозурлана ала.

Казан буенча чаралар иртәнге 10.00 да башланып, кичке сәгать 20.00 гә кадәр дәвам итәчәк.

Зилә САБИТОВА

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    911
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    651
    0
    0
  • 31 май 2021 - 17:44
    ЗАМАНЧА КЫСТЫБЫЙ РЕЦЕПТЫ «Кыстыбый tatar-food» рестораннарының берсендә директор булып эшләүче Айнур Идиятулин белән «Чеп-чеби» кыстыбые әзерләдек. Аннан ашадык... Шундый тәмле булды! Серле рецептны сезнең өчен дип  язып та алдым. Уңайлырак булсын өчен фотога да төшердек. Рәхәтләнеп кулланыгыз!
    557
    0
    0

Блоглар