МИНЕМ БАБАМ - СУГЫШ ВЕТЕРАНЫ

Минем бабам Сәйфуллин Сәмигулла Заһидулла улы күп балалы крестьян гаиләсендә дөньяга килгән. Азнакай районы Тымытык мәктәбендә 7 класс белем алган. Авыр вакытлар була, гаиләдә ярдәм итәргә кирәк булганлыктан, укуын дәвам итә алмый. Яшь вакыттан ук колхозда төрле эшләрдә эшли.

Бөек Ватан сугышы башлана. 1942 нче елның декабрендә яшь егетне кече лейтенантлар әзерләү курсларына укырга җибәрәләр. Берничә айдан ул Мәскәү янындагы фронтка җибәрелә. Смоленсктан алып Орёл шәһәренә кадәр сугышчан юл үтә. Курск шәһәре янында сугышканда, аягы яралана һәм госпитальдә ята. Аякларының авыртуы хәзер дә үзен сиздерә. Сталинград, Орёл, Белгород шәһәрләре янында сугыша. I II, III дәрәҗә Бөек Ватан сугышы орденнары, “За отвагу, “За победу над Германией”, 1941-1945 нче еллардагы Бөек Ватан сугышының юбилей медальләре белән бүләкләнә.

Сугыштан кайткач, сәламәтлеге ныклы булмау аркасында, үзенең яраткан тракторчы һөнәре буенча эшен дәвам итә алмый һәм бу һөнәргә ул яшьләрне өйрәтә башлый. Ул үзенә тапшырылган эшләрне һәрвакыт намус белән башкара һәм хезмәттәшләре арасында хөрмәткә лаек була. Тырыш хезмәте өчен, күп санлы почёт грамоталары, медальләр белән бүләкләнә. Күп еллар колхозның профком рәисе булып эшли.

1950 елда бабам Сәмигулла Мачаклы авылының чибәр кызы Фатыймага өйләнә. Бу бәхетле гаиләдә 4 бала дөньяга килә. 61 ел бергә матур гына яшәгәч, каты авырудан соң, Фатыйма әби бакый дөньяга күчә.

Кадерле бабам Сәйфуллин Сәмигулла Заһидулла улы әле бүген дә тулы тормыш белән яши, һәр туган таңга сөенә, балаларының һәм оныкларының, оныкчыкларының тормышына куана. Ул - 10 оныкның һәм 16 оныкчыкның яраткан бабасы. Балалары һәрвакыт янында. Бабайны бер генә көнгә дә берүзен генә калдырмыйбыз.

Рәзил Вәлиев,
Азнакай районы Тымытык урта мәктәбенең 7 нче сыйныф укучысы

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 ноябрь 2020 - 17:43
    БӘХЕТЛӘРЕҢ БУЛСЫН, КЫЗ БАЛА Бүген эштә Флүрәнең әллә нигә көне буена үтереп эче пошты. Бар тынычлыгын алып, билгесез бер сәбәптән күкрәк турысын күзгә күренмәгән мәче тырнагы тына белмичә тырный да тырный. Эше бүген ярыйсы гына барганы да хатынны шатландырмады.
    1219
    0
    8
  • 10 ноябрь 2020 - 15:12
    ЯШЕЛ КАР Әхмәт яшь чагында ук дуамаллыгы белән сукыр авыл мулласының да күзен ачкан егет. Юкны сөйләмә инде, дуамаллык белән генә ачыла торган булсамы, дөнья  йөзен бер күрер өчен тилмереп яшәүчеләр шулкадәр дә күп булмас иде. Никадәр егет асыллары үзләренең сөйгәннәрен күрер өчен нинди генә дуамаллыклар кылмас иде икән.
    949
    0
    3
  • 2 ноябрь 2020 - 11:38
    ЙӨРӘК БИТ УЛ! – Моңарчы ашларыңны бүлмәңә ташып, сине кадерләп кенә тордык, инде үзеңә барып ашарга туры килер, – диде табиб, елмаеп. Кулыннан тотып диваннан торгызды да бүлмә буйлап йөртеп карады. Аякларының хәлсезлеге бер нәрсә – йөри-йөри ныгыр, ә менә тын кысылуы, йөрәк хәлсезлеге белән нишләргә?
    883
    0
    6

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019