ГАДИ ҺӘМ ТӘМЛЕ ТОРТ РЕЦЕПТЫ

Кайчак рецептларны ачып җибәрәсең дә, ничек кире ябып куйганыңны сизми дә каласың. Шулай булмасын өчен без сезгә бүген аҗдаһа теше, елан мөгезе кирәкми торган ТӘМЛЕ ТОРТ РЕЦЕПТЫ тәкъдим итәргә булдык. Моның өчен нәрсәләр кирәк булачак? КАМЫР ӨЧЕН КИРӘК БУЛА:

5 йомырка; 1 ст шикәр комы; 1 кечкенә пачка көпшәкләндергеч (разрыхлитель); 6 аш кашыгы сыек май; 1.5 ст он.

РЕЦЕПТ:

Шушы әйберләрнең барысын да чираттан салып, яхшылап болгатабыз. Сыеграк камыр барлыкка килә. Шуны 2 бертөрле табага бүлеп салабыз һәм духовкага озатабыз. Пешеп чыгуын шырпы тыгып тикшереп карыйбыз.

КРЕМ ӨЧЕН КИРӘК БУЛА:

Ярты пакет кибет каймагы (сметана); 1 ст шикәр комы.

Шуларны яхшылап болгатабыз. Кремның куе булуын теләсәгез, шикәр пудрасы да салырга була. Хәзер 2 коржны тагын 2 гә аркылыга кисәбез. Дүртәү булачаклар. Һәр коржга кремны яхшылап сылыйбыз, өстенә банан тезеп чыгабыз. Бөтенесен дә шулай итеп чыгарга кирәк була. Өстен теләгәнчә бизибез! Бетте! Чәйләрегез тәмле булсын!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    661
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    535
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    313
    0
    0

Блоглар