ФУНЧОЗА ПЕШЕРҮНЕҢ 4 ЫСУЛЫ/РЕЦЕПТЛАР

Соңгы вакытта кибет киштәләрендә безнең өчен ят булган ризык – фунчоза еш очрый башлады. Нәрсә соң ул фунчоза? Аны ничек итеп әзерлиләр?

Фунчозаны мунг дип атала торган кузаклы үсемлектән ясыйлар. Карап торышка ул дөге токмачына охшаган, әмма суга салгач, фунчоза үтә күренмәлегә әйләнә, шуңа күрә аны еш кына “пыяла токмач” дип тә атап йөртәләр. 

Кореяча фунчоза

Ингредиентлар:

– фунчоза – 145 г,
– 
кишер – 100 г,
– 
кыяр – 145 г,
– 
баллы борыч – 45 г,
– 
сарымсак– 15 г,
– яшеллек – 30 г,
– фунчоза өчен тәмләткеч (заправка) – 115 г.


Ничек итеп әзерләргә?

Фунчоза өстенә кайнар су агызабыз һәм 5-7 минутка калдырабыз. Анан соң аны сөзгечкә (дуршлаг) салабыз һәм өстенә салкын кайнаган су салабыз. Сарымсак һәм яшеллектән кала яшелчәләрнең барысын да нечкә һәм озынча итеп турап чыгабыз. Яшеллекне һәм сарымсакны вак итеп, шакмаклап турыйбыз. Кишерне суы чыкканчы кул белән йомшартабыз. Аннан бөтен ингредиентлар кушып яхшылап болгатабыз. Аннан 2 сәгатькә суык урынга алып куябыз. Өстәлгә куяр алдыннан тагын бер кат яхшылап болгатабыз.

Гөмбә һәм яшелчәле фунчоза

Ингредиентлар:

– фунчоза - 250 г,
– баллы борыч -1 шт,
– кишер - 1 шт,
– суган – 1 шт,
– помидор 1 шт,
– гөмбә - 150 г,
– тәменчә сарымсак,
– соя соусы.

Ничек итеп әзерләргә?

Кишерне, борычны һәм гөмбәне озынча итеп, суган һәм сарымсакны вак итеп турыйбыз. Табага зәйтүн мае салып кыздырып алабыз. Майга суган, кишерне салып кыздырабыз.  Туралган гөмбәне салабыз. Тәменчә тоз сибәбез. Туралган борычны салабыз. 10-15 минут кыздырабыз. Фунчоза өстенә кайнар су агызабыз һәм 5-7 минутка калдырабыз. Аннан соң аны сөзгечкә (дуршлаг) салабыз һәм өстенә салкын кайнаган су салабыз. Әзер булгач, фунчозаны табадагы ингредиентлар янына салабыз. Барысын бергә яхшылап болагатабыз. 5 минут капкачын каплап кыздырабыз. Өстәлгә чыгарганда соя соусы салабыз.

Диңгез кысласы белән фунчоза

Ингредиентлар: 

– фунчоза - 100 г, 
чистартылган һәм пешерелгән кысла – 10 шт;
-– ½ баллы борыч
- 3-4
сабак яшел борыч
- 1
теш сарымсак, 
- 1/2
кишер
-
сыек май
- соя соус
ы
- петрушка.

Ничек итеп әзерләргә?

Фунчоза өстенә кайнар су агызабыз һәм 5-7 минутка калдырабыз. Анан соң аны сөзгечкә (дуршлаг) салабыз һәм өстенә салкын кайнаган су салабыз. Яшелчәләрне саламлап турыйбыз. Аннан сыек майда 2-3 минут кыздырабыз. Чистартылган һәм әзер кыслаларын салабыз. 1 минут чамасы кыздырып алганнан соң сытылган сарымсак, туралган суган, соя соусы салабыз. Фунчозаны салабыз. Яхшылап болгатабыз. Һәм 2-3 минут төнәтәбез. Өстәлгә куйганда өстенә петрушка сибәбез.
 

Итле фунчоза

Ингредиентлар: 

– 700 г ит,

 – 250 г фунчоза, 

– 1 кишер

– 1 суган

– 2 теш сармысак

– соя соусы,

 – зәйтүн мае

кара борыч

тоз.

Ничек итеп әзерләргә?

Кишер белән суганны чистартабыз. Суганны ярымтүгәрәк итеп турыйбыз. Кишерне эре угычтан уабыз. Итне озынча һәм нечкә итеп турыйбыз. Фунчоза өстенә кайнар су агызабыз һәм 5-7 минутка калдырабыз. Анан соң аны сөзгечкә (дуршлаг) салабыз һәм өстенә салкын кайнаган су салабыз. Табага зәйтүен мае салып, кыздырып алабыз. Ит салабыз, 5 минут тирәсе кыздырып алабыз. Борыч, тоз сибәбез. Суган, кишер салабыз. Яхшылап болгатабыз. Соя соусы, фунчоза, сарымсак салабыз. Тагын бер кат болгатабыз. 5 минут дәвамында төнәтәбез.

Ашларыгыз тәмле булсын!

фото https://domos.ru/blog/15938 сайтыннан алынды

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 8 гыйнвар 2021 - 17:17
    УРЛАНГАН БӘХЕТ Нишләптер бик кәефсез уянды бүген Ләйлә. Борчылырлык урын да юк кебек, тик күңеле тыныч түгел. Гәрчә, иртәнге кояш нурлары иркәләп, назлап уятса да. 
    830
    0
    4
  • 6 гыйнвар 2021 - 14:13
    ПАНКЕЙК ПЕШЕРҮ РЕЦЕПТЫ Панкейк –Америка белене. Аны сөт белән ясыйлар, коры табада кыздыралар. Алар кабарып, йомшак булып пешә. Иртәнге аш өчен менә дигән ризык инде менә. Гадәттә, аны сироп, арахис мае, джем белән ашыйлар.
    774
    0
    2
  • 3 гыйнвар 2021 - 10:05
    «ДУСЛАРЫМ МИННӘН ЧИТЛӘШТЕ...» «Без сыйныфта 3 кенә кыз. Моңа кадәр гел дус булып, бер-беребезгә ярдәм итешеп укыдык. Быел алар икесе миннән читләште. Тәнәфестә дә гел бергә чыгып китәләр. Мин яннарына килеп утырсам, сөйләшми башлыйлар. Берәр нәрсә сорасам, теләмичә генә җавап бирәләр. Минем дә алар белән дус буласым, аралашасым килә. Нишләргә икән?» Аноним, 15 яшь
    661
    0
    0

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019