АВЫЗДА ЭРИ ТОРГАН РОГАЛИК РЕЦЕПТЫ

Моның өчен безгә эремчек, сыер мае, он, шикәр һәм көпшәкләндергеч, ягъни разрыхлитель генә кирәк. Пешереп карыйбызмы?

Әлеге рецепт буенча 40 данә тирәсе рогалик килеп чыга.

Нәрсәләр кирәк булачак:

- Эремчек – 400 г;

- Сыер мае – 250 г;

- Он – якынча 400 г;

- Шикәр – 150 г;

- Ванильле шикәр (булмаса да ярый) – 1 чәй кашыгы;

- Көпшәкләндергеч – 2 чәй кашыгы.

Рецепт:

Эремчек белән майны яхшылап болгатабыз. Он, көпшәкләндергеч өстибез. Камыр итеп басабыз. Камыр көпшәк (рыхлый), әмма сыгылмалы булып килеп чыгарга тиеш. Хәзер камырны 1 сәгатькә суыткычка алып куябыз. Аннан камырны ике өлешкә бүләбез. Бер өлешен түгәрәк итеп җәяргә кирәк була. Шикәргә ванильле шикәр өстибез. Түгәрәк өстенә шушы катнашманы сибеп чыгабыз. Уклау ярдәмендә тагын бер кат өстеннән йөртеп чыгабыз. Түгәрәкне тигез өлешләргә – өчпочмакларга кисәбез. Һәр өчпочмакны рогалик итеп төрәбез.

Икенче өлеш камырны да җәябез. Һәм шулай ук итеп рогаликлар ясыйбыз. Табаны майлыйбыз. Яки өстенә махсус кәгазь җәяргә була. Һәр рогаликның бер ягын шикәргә манып, шикәрле ягын өскә каратып, табага тезәбез. Артык баллы ризык яратмасагыз, болай эшләмәскә дә мөмкин. 180 градус эсселектәге мичтә 20-25 минут пешерәбез! Чәйләрегез тәмле булсын!

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    754
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    698
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    514
    0
    0

Блоглар