АЛМАЛЫ-ЛИМОНЛЫ КОМПОТ РЕЦЕПТЫ

Дуслар, бу искиткеч тәмле компот. Шушы компот белән бергә туңдырма кушып коктейль ясасаң, искиткеч чыга!

1,5 литрлы банкага ясау өчен, банканың яртысына кадәр тулырлык итеп алма алабыз. Яхшылап юабыз, үзәген алабыз да өстеннән кайнар су йөгертәбез. Алмалар бик эре булса, эрерәк итеп турап салыгыз.

Аннары алмаларны банкаларга тутырабыз. Янына 1-2телем лимон, 1-2данә кәнәфер (гвоздика), чәй калагы очында гына корица салабыз. Корицаның вакланганы да, бөтене дә ярый, сездә кайсы бар, шунсын салырга була.

Компот тиз арада эчәргә әзерләнмәсә, лимонның кабыгын әрчесәгез яхшырак булыр, әчкелрәк була кабыгы белән салсаң. Аннары аерым кәстрүлдә сироп әзерлибез. 1литр суга 130-150 г шикәр комы исәбеннән алып, сиропны кайнатабыз. Аннары ипләп кенә алма өстенә агызабыз.

Банкаларны кайнар сулы табакка куеп 20-30 мин.кайнатабыз, монсы стерильләштерү максатыннан эшләнә. Аннары капкачларын ябып, салкынча урынга сакланырга куябыз. 

Рәфилә Шәмсетдинова

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 июнь 2020 - 16:58
    КАРЛЫГАННАР ӨЛГЕРГӘН ЧАК Бакчада кара карлыганнар өлгерде. Кара төннең үзеннән дә кара карлыганнар. Татлы да үзе, әчкелтем дә. Табигатьтә гел шулай: иң бәрәкәтле, иң шифалы сые – әче җимешендә...  
    1376
    0
    11
  • 19 июнь 2020 - 16:49
    КЕШЕ КҮҢЕЛЕ – КАРА УРМАН (ХИКӘЯ) Рәгинә иртән эшкә барганда да, кичтән кайтканда да ике тукталыш арасын, гадәттә җәяүләп үтә. Кышын буранга, язын челләгә, язлы-көзле коеп яуган яңгырларга карамый, җәяүләп атлый. Бүген дә шулай итмәкче иде. Төнлә явып үткән яңгырдан соң сафланып, төсләре ачыкланып калган иртәнге кала урамнарына хозурланып баруга ни җитә!
    1180
    1
    6
  • 26 июнь 2020 - 10:30
    ЯШЬЛЕК ХАТАСЫ Лаеклы ялга чыгуына ике ел үтсә дә, Энҗе, һаман эшкә барасы булган кебек, һәр көн ашкынып иртә таңнан тора. Ничектер, көтеп алган лаеклы ялда үз җаена, салмак-тыныч кына яшәргә өйрәнеп китә алмый әле хатын. Башта бер-ике тапкыр, тиз-тиз киенеп, эшенә чыгып киткән чаклары да булган иде. Ишек төбенә барып җитеп, ире Расих туктаткач кына ушына килә иде элекке шәфкать туташы.
    767
    0
    10

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019