“Музыка безнең тирәбездә” II Халыкара классик музыка фестивале була

28-31 май көннәрендә Казанда яшьләр арасында “Музыка безнең тирәбездә” II Халыкара классик музыка фестивале була.


Фестивальдә катнашучылардан 500ләп заявка килеп ирешкән, шуларның 30ы гына фестивальдә катнаша алачак, диелә оештыручылар хәбәрендә.


Халыкара дәрәҗәдә уздырыла торган фестивальдә Мәскәү, Санкт-Петербург, Беларусь, Австрия, Испания, Кытайдан катнашучылар килер дип көтелә. Фестиваль кысаларында Казан урамнарында музыкаль акцияләр уздыру да планлаштырыла. Шәһәрнең 6 мәйданчыгында тематик программа белән фортепиано урнаштырылачак. Аларны Казан Кремле, Ленин бакчасы, Петербург урамы, М. Җәлил исемендәге Татар дәүләт опера һәм балет академия театры, Казан федераль университетының төп бинасы каршындагы “Сковородка” мәйданчыгында, М. Горький исемендәге мәдәният һәм ял паркында ишетергә мөмкин булачак. Әлеге фортепиано янында селфи ясаучылар арасында конкурс үткәрү ниятләнә. Җиңүчегә оештыручылардан махсус бүләк каралган.


30 майда фестиваль Зөя утрау-шәһәрчегенә күчәчәк. Анда барырга теләүчеләр өчен Казанның ЦУМ яныннан сәгать 10.00 дә автобуслар кузгалачак.


Фестиваль кысаларында концерт кына түгел, ә танылган музыкантлардан мастер-класслар үткәрү дә күздә тотыла. Алар арасында танылган пианиночы, педагог Нельсон Фабри (Бельгия) дә бар. Ул “Bell – Arte” фонды җитәкчесе һәм Парижда “Альфреда Корто” музыканың югары мәктәбе һәм королева Елизавета музыка капелласы педагогы. Моннан тыш Мәскәүнең П. Чайковский исемендәге Дәүләт консерваториясе педагогы Филипп Нодель да мастер-класслар узырачак.


Классик музыка фестивален ТР Дәүләт Киңәшчесе Минтимер Шәймиев, ТР Мәдәният министрлыгы, ТР Театр әһелләре берлеге, ТР тарих һәм мәдәният ядкәрләрен торгызу буенча “Яңарыш” Республика фонды, “Остров-град Свияжск” дәүләт тарихи-архитектура һәм сәнгать музее ярдәме белән ТРның музыка башкару “SFORZANDO” иҗтимагый үсеш фонды оештыра. Инициаторы һәм сәнгать җитәкчесе — Данияр Соколов.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 2 ноябрь 2020 - 11:38
    ЙӨРӘК БИТ УЛ! – Моңарчы ашларыңны бүлмәңә ташып, сине кадерләп кенә тордык, инде үзеңә барып ашарга туры килер, – диде табиб, елмаеп. Кулыннан тотып диваннан торгызды да бүлмә буйлап йөртеп карады. Аякларының хәлсезлеге бер нәрсә – йөри-йөри ныгыр, ә менә тын кысылуы, йөрәк хәлсезлеге белән нишләргә?
    748
    0
    6
  • 10 ноябрь 2020 - 15:12
    ЯШЕЛ КАР Әхмәт яшь чагында ук дуамаллыгы белән сукыр авыл мулласының да күзен ачкан егет. Юкны сөйләмә инде, дуамаллык белән генә ачыла торган булсамы, дөнья  йөзен бер күрер өчен тилмереп яшәүчеләр шулкадәр дә күп булмас иде. Никадәр егет асыллары үзләренең сөйгәннәрен күрер өчен нинди генә дуамаллыклар кылмас иде икән.
    689
    0
    3
  • 17 ноябрь 2020 - 17:43
    БӘХЕТЛӘРЕҢ БУЛСЫН, КЫЗ БАЛА Бүген эштә Флүрәнең әллә нигә көне буена үтереп эче пошты. Бар тынычлыгын алып, билгесез бер сәбәптән күкрәк турысын күзгә күренмәгән мәче тырнагы тына белмичә тырный да тырный. Эше бүген ярыйсы гына барганы да хатынны шатландырмады.
    563
    0
    3

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019