Лагерьларда коррупциягә “юк” дияргә өйрәтәләр

Хәзерге вакытта Татарстанда балалар өчен җәйге лагерьларның гөрләп эшләгән чагы. Алар биредә сәламәтлекләрен ныгытып кына калмый, ә коррупциягә каршы көрәш максатыннан оештырылган чараларда да актив катнаша. “Коррупциягә юк дип әйт!” квесты исә республика территориясендәге һәр лагерьны диярлек колачлаячак.

Коррупциягә каршы көрәш һәм балалар... Әлеге ике төшенчә арасында бернинди дә уртаклык була алмый кебек. Чынлыкта исә, белгечләр ришвәтчелеккә карата начар фикерне кеше күңеленә кече яшьтән үк сеңдеререгә кирәк дип ассызыклый. Бары тик шул чагында гына коррупцияне тулысынча җиңеп булачак.

- “Коррупциягә юк дип әйт!” чарасы узачак лагерьлар арасында төрлесе бар. Уеннарда кече яшьтәге балалар белән беррәттән, коррупция төшенчәсен аңлап эш итүче 14-17 яшьлек яшүсмерләр дә катнаша. Зуррак яшьтәгеләр белән без өлкәннәрчә сөйләшәбез, чөнки алар барысын да аңлап эш итә. Ә менә нәни ял итүчеләргә исә коррупция турында йомшаграк һәм аңлаешлы итеп җиткерергә тырышабыз, - дип сөйләде безгә “Татарстанның сәләтле яшьләр академиясе” иҗтимагый оешмасы җитәкчесе Альфира Гыйльфанова. Чара исә “Бирмәскә һәм алмаска” махсус программа кысаларында тормышка ашырыла икән.

Беренчеләрдән булып әлеге акция “Алтын каләм” республикакүләм балалар, яшүсмерләр һәм яшьләр матбугаты фестивалендә катнашучылар өчен оештырылган. Әлеге чара аеруча кызыклы узган, ник дигәндә, киләчәктә журналист булып эшләргә хыялланучы яшүсмерләрнең бу өлкәдәге яңалыклардан хәбәрдар булуы аңлашыла. Өстәвенә, коррупциягә каршы көрәш турында сөйләгәндә, бу эштә матбугат чараларының аеруча зур роль уйнавы турында да әледән-әле ассызыклап торалар.

1 июль көнне исә “Коррупциягә юк дип әйт!” чарасы Лаеш районыныдагы “Санта” лагеренда уздырылган.

- Коррупция белән бәйле тема балалар өчен күңелсез дә булырга мөмкин иде, әлбәттә. Тик без бу чараны шактый кызыклы итеп уздыруга ирештек. Уеннар ике сәгать дәвам итте, ә балаларның исә бер дә таралышасы килми иде әле, - дип дәвам итте сүзен Альмира Гыйльфанова.

2 июль көнне әлеге квест Балык Бистәсе районындагы ике лагерьда үткәрелгән. Биредә инде бераз кечерәк - 11-14 яшьлек балалар катнашкан.

- Биредә коррупция, коррупциягә каршы көрәш, ришвәт кебек сүзләрне без дөреслек, гаделлек, намуслылык сүзләре белән алыштырдык. Балалар бик тә риза калдылар. Без аларга коррупциянең ни дәрәҗәдә зур афәт булуын аңлата алганбыздыр дип ышанам, - дип ассызыклады Альмира Гыйльфанова.

Шунысын да билгеләп үтәбез, “Коррупциягә юк дип әйт!” квесты лагерьларда алга таба да дәвам итәчәк. Шул рәвешле, әлеге акция балалар аңында коррупция дигән афәткә карата начар фикер барлыкка китерер.

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 30 август 2020 - 17:15
    ҮЛЕМНӘН КӨЧЛЕРӘК – Ну-ну-ну! Марш, агай, үз урыныңа! Үз тавышын үзе танымады кыз. Тик тегенең тамчы да исе китмәде, атлап барган шәпкә ике кулын сузып, күрешергә килгән кыяфәт чыгарды. Тагын ике секундтан ул аны шул пычрак куллары белән эләктереп үк алачак... – Үзең китәсеңме, әллә булышыргамы сиңа, абзый кеше? Зөмәрә аңышмый калды: кайчан, каян килеп чыкты бу зифа буйлы егет, ни ара аларның уртасына кереп басты? Сәрхуш ирнең йөзе әче әйбер капкандай җыерылып килде; селтәнергә дип күтәргән кулы белән башын кашып алды да, ава-түнә үз почмагына таба китте.
    2630
    0
    16
  • 6 сентябрь 2020 - 13:31
    МӘХӘББӘТ ТОЗАГЫ "Тавык төшенә тары керә” ди халык. Финанс-экономика институты студенты Рәсим төшендә үзен банк директоры итеп күреп ятканда гына ишек шакыдылар. “Их, нечкә билле чибәркәй – сәркатиб кабинетка килеп кергәч кенә уяттылар”, – дип сөйләнә-сөйләнә ишек ачырга юнәлде. Ә ишек артында… Әле генә төшендә күргән сәркатиб кыз басып тора иде.
    764
    0
    2
  • 13 сентябрь 2020 - 13:56
    КАЛАЙЧЫ КӘЛҮК Җиңел сөякле бабай, аягына эрҗинкә галушларын киеп алды да болдыр баскычыннан җәһәт кенә ишегалды чирәменә төште. Тагын бер кинәнеп арлы-бирле йөренгәләде. Алгысый иде аның күңеле, очына иде. Менә нидер эшлисе генә килеп тора бит. Ниндидер бер гайре табигый эш. Әмма дә ләкин файдалы эш булсын иде ул. Тиктомалдан чуарланып йөрергә яшь-җилкенчәк түгел лә ул! Хәкимәсе: «Вәт маладис, картым! Вәт булдыргансың, атасы!» – дип әйтерлек булсын. Мактаганны ярата ул. 
    663
    0
    5

Блоглар
  • МУСА ҖӘЛИЛ ИСЕМЕНДӘГЕ КӨРӘШ ЯРЫШЛАРЫ-2020 (ФОТОРЕПОРТАЖ)
  • CLUBTURBO WINTER DRIFT CUP ИКЕНЧЕ ЭТАП: ФОТОРЕПОРТАЖ
  • «ӘЙДӘ, ШАЯРТ»: ФИНАЛ
  • ТАТАР ИҖАДИ КОМАНДАЛАРЫ АРАСЫНДА МИНИ-ФУТБОЛ
  • РУБИН–ДИНАМО 0:1 (ФОТОРЕПОРТАЖ)
  • TAT CULT FEST 2019
  • ПИТРАУ-2019: КАРЕНДӘШЛӘР, АРУМЫ СЕЗ?
  • ПЕЧӘН БАЗАРЫ – 2019