Казанда БРИКС илләренең I Халыкара яшьләр саммиты уздырылачак.

Казанда БРИКС (Бразилия, Россия, Һиндстан, Кытай һәм Көньяк Африка Республикасы) илләренең I Халыкара яшьләр саммиты уздырылачак.

Бу хакта ТР яшьләр эшләре һәм спорт министры Владимир Леонов хәбәр итте. Конференция Яшьләр көне уңаеннан Казанда үткәреләчәк бәйрәм чараларына багышланган иде.

Министр сүзләренчә, саммит Яшьләр көнен бәйрәм иткәннән соң якынча бер атнадан үткәреләчәк.

«Без яшьләр өчен чын бәйрәм үткәрергә ниятлибез һәм аны истә кала торган итеп эшләргә телибез. Әлеге чара Казанда ел саен уздырылыр дип планлаштырыла, бары аны үткәрә торган мәйданчыкларның гына форматын үзгәртәчәкбез. Соңгы 20 ел нәтиҗәләре буенча, яшьләр сәясәте өлкәсендә без үзебезне лидерлар дип атый алабыз», - диде Владимир Леонов. Министр хәбәр иткәнчә, Казандагы яшьләр саммиты Уфада уздырылачак төп саммитка кадәр үткәреләчәк.

«Мондый чара беренче тапкыр гына оештырыла. Уфада БРИКС илләре зур саммитын уздыру билгеле булгач, без Казанда яшьләр өчен шундый чара уздырырга кирәк дигән башлангыч белән чыктык һәм федераль хакимият безне хуплады һәм үзенең эш планына кертте», - диде министр.

3 көн дәвамында Казан БРИКС илләреннән иң яхшы яшьләр коллективлары делегатларын кабул итәчәк. «Россиягә 50 кешелек квота бирелде, шуларның 10 сы — татарстанлылар», - дип белдерде В. Леонов.

Кунаклар өчен пленар сессия, ТР Президенты вазифаларын вакытлыча башкаручы белән очрашу да оештырылачак.


Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 17 май 2021 - 15:56
    «БЕЗГӘ КҮРЕШЕРГӘ КИРӘК!» Хатлар буенча әзерләнгән котлау тапшыруларын электән дә үз иткән Рәбисә апа аягын сындырып, урын-җир өстенә калгач, бөтенләе белән калдырмый торган булып китте. Берсеннән-берсе матур итеп язылган эчтәлекле хатларны тыңлаганда, кәефнең юк чагы булса да, күңелләре күтәрелеп китә. Бер дә юкка, татлы тел тимер капканы ачар, димәгәннәр. 
    755
    0
    0
  • 22 май 2021 - 11:35
    ЗАМАНЧА СУ АНАСЫ ЯКИ КВАДРОКОПТЕР МАҖАРАСЫ Кәримне Өчиледә барсы да белә иде. Ул алай начар малай түгел. Кайчан карама – теге яки бу эш белән мәшгуль. Укудан кайткач, өйне җыештыра, савыт-сабаны юа. Соңыннан тышка чыгып, малларны карый. Тыштагы эшләрен бетереп керүгә, әнисе дә кайтып җитә.
    699
    0
    1
  • 26 май 2021 - 17:40
    САБАНТУЙГА КАРШЫ КИЧ Юлы уңарга тиеш бүген Нәргизәнең. Иртәдән болытлы торган күк йөзе, өйләдән соң кинәт ачылып китте дә, ялтырап кояш чыкты. Соңгы зачетын тапшырып, университет баскычларыннан йөгерә-йөгерә тукталышка ашыкты кыз. Хәзер тиз генә бүлмәсенә кереп, юл сумкасын алыр да, электричкага чыгар. Кыз җәлт кенә кул сәгатенә күз төшерде. Өлгерергә тиеш, электричка китәргә сәгатьтән артык вакыт бар әле.
    515
    0
    0

Блоглар