"КАМАЛ МӘКТӘБЕ" УКУЧЫЛАР ЧАКЫРА

Мөгаен, син башта «Нәрсә соң ул «Камал мәктәбе»?» дип сорарсың. Ул - яңа белем бирү проекты - театр тамашачысы мәктәбе. Бу «мәктәп»тә уку теләгең уянса, аның беренче дәресенә 26 гыйнвар көнне үк килә аласың.

Театр тамашачысы мәктәбендәге «дәрес»ләрдә лекторийлар, җәмәгать диспутлары, мастер-класслар, ток-шоу форматларында спектакльләр күрсәтеләчәк, экспертлар һәм тамашачылар белән әңгәмәләр уздырылачак. Аның максаты - сәхнә сәнгате аша яңа белем биреп, тамашачыларны театр сәнгате дөньясына тарту.

Проект 1987 елны куелган "Ахырзаман" спектакленең видеоязмасын карау һәм фикер алышу белән ачылып китәчәк. Авторы - Чыңгыз Айтматов, режиссеры - Дамир Сираҗиев. Чыңгыз Айтматовның "Ахырзаман" романы дөньяда беренчеләрдән булып Мансур Гыйләҗев инсценировкасы тарафыннан сәхнәгә куела. Ә режиссер Дамир Сираҗиевны татар эксперименталь театрының символы дияргә була.

Театр тамашачысы мәктәбенең икенче «дәресе»ндә "Әлдермештән Әлмәндәр" (1976 ел) спектаклен күрсәтәчәкләр һәм фикер алышачаклар. Әлеге легендар спектакльне 9 февраль көнне карап булачак. Пьесаның авторы - Туфан Миңнуллин, режиссеры - Марсель Сәлимҗанов. Мәктәпнең өченче «дәресе» дә буласы көн билгеле – 23 февраль. Анда "Телсез күке" (2004 ел) спектакле тәкъдим ителәчәк. Авторы - Зөлфәт Хәким, режиссеры - Фәрит Бикчәнтәев.

Рәдиф Кашапов, проектның кураторы:

- "Татар мәдәнияте яңа тел табу юлына баскан чорда, элегрәк булганнарны аңлау мөһим. Татар театры һәрвакытта таяну ноктасы - драматурглар, язучылар, музыкантлар, җәмәгать эшлеклеләре өчен үзенә тартып торучы үзәк ролен башкарды. Аның классик һәм эксперименталь спектакльләре аша татар дөньясының соңгы унъеллыкта ничек яшәвен ачыкларга мөмкин".
Нәрсә: «Камал мәктәбе»

Кайда: Г.Камал исемендәге Татар дәүләт Академия театрының Кече сәхнәсе

Кайчан: 26 гыйнварда 18.00 сәгатьтә



Фотолар Г.Камал театры сайтыннан алынды

Иң мөһим һәм кызыклы язмаларны Татмедиа Telegram-каналында укыгыз


Нравится
Комментарии (0)
Осталось символов:
Шәп укыла
  • 15 апрель 2021 - 15:45
    ЧӘЙГӘ ТОРТ ПЕШЕРӘБЕЗ Чәй эчәргә әйбер бетеп киттеме? Әйдә үзебез пешерәбез!
    694
    0
    0
  • 10 апрель 2021 - 10:33
    ШАМПИНЬОНЛЫ КАРАБОДАЙ. РЕЦЕПТ Дөрес тукланучылар өчен бик тәмле һәм җиңел рецепт. 20 минут эчендә әзер дә була.
    545
    0
    0
  • 1 май 2021 - 14:19
    «БЕЗНЕҢ ӨЙДӘ ГЕЛ ЭШЛӘП ТОРЫРГА КИРӘК...» «Безнең өйдә шундый кагыйдә бар: син гел нәрсә дә булса эшләп торырга тиеш. Идән ю, өстәл җыештыр, гөлләргә су сип, кер төр, тик утырма гына... Берәр фильм карый яки китап укый башласам: «Эшең беттемени?» – дип килеп җитәләр. Минем ял итәсем, вакытны үзем теләгәнчә уздырасым килә. Әниләргә шуны аңлата алмыйм...»
    346
    0
    0

Блоглар